大笪地係一種雜貨市場，類似古時候嘅墟市。喺一大片空地，商販匯聚，自發形成一個個檔口，買賣咩貨物都有可能。有啲仲會有賣小食嘅走鬼，甚至大牌檔。大笪地可以係走鬼，亦可以係梗檔。譬如香港舊時最出名嘅大笪地，係喺上環嘅夜市。廣州荔灣區寶華路試過有窟雜貨市場，賣衫褲為主，就起咗啲簡陋嘅棚架，變咗室內噉。
