大笪地 (廣州)
大笪地係中國廣東廣州冇咗嘅商場，位置喺荔灣區長壽路同寶華路嘅交界東北角，間嘢喺2000年12月底開業，但後嚟因租期期滿，俾廣州地鐵方收返地皮嚟搞商業建築原因，2014年4月21號停業兼撤場[1]。
佢開業期間，曾經係人流密集同精打細算嘅家庭主婦同學生、後生仔女成日去買嘢嘅地方。
史[編輯]
1990年代初，有唔少地攤佬喺華林街一帶集體擺攤，後嚟賣到成街成市，令城市管理方搞佢唔掂。後嚟廣州城市執法部門為咗打擊走鬼現象，喺2000年同廣州地鐵公司合作，喺長壽路同寶華路交界搞咗間商業城嚟規範經營同解決成街走鬼問題。同年12月底，商場正式開業。開業期間曾經招攬過一系列1950年代同1960年代出世啲失業工人開檔做生意。由於啲貨賣出嘅價錢比較平，令唔少人成日過嚟幫襯買嘢[2]。期間亦搞過4次細規模嘅裝修[3]，安置咗近400個家庭。
但花無百日紅，喺2014年3月22號，由於廣州地鐵公司向商場方發佈咗份租賃合同期滿嘅公告，令商場隨時停業重畀多商家一個月嘅緩衝期[4]；同年4月21號，商場正式停業。
後續[編輯]
大笪地停業後，商場原有檔主冚唪唥分頭搬到康王路嘅康王·柏德萊商業城同華林寺附近搵舖繼續開檔做生意。而原有嘅建築喺2014年8月22號正式開拆[5]。
有關嘅書[編輯]
- 搭地铁玩广州 第51页 广西师范大学出版社 ISBN 978-7-5633-9834-8
註[編輯]
- ↑ 〈大笪地拜拜啦(组图)〉. 《信息时报》. 新浪. 2014-04-22.
{{cite news}}: CS1 maint: url-status (link) - ↑ 〈大笪地撤场 去边度淘货？〉. 《广州日报》. 人民网. 2014-03-06.
- ↑ 〈大笪地广州最平 精明师奶乐帮衬〉. 《南方網》. 新浪. 2011-04-18. 原著喺2020-03-16歸檔. 喺2017-04-03搵到.
- ↑ 〈大笪地，唉……又要变回"一大笪空地"〉. 《南方都市报》. 南都網. 2014-03-27. 原著喺2020-03-16歸檔. 喺2017-04-03搵到.
- ↑ 〈荔湾大笪地正式开拆〉. 《信息时报》. 花城网. 2014-08-22. 原著喺2016-05-14歸檔. 喺2017-04-03搵到.