賀江

賀江喺中國廣東廣西，古稱封水，又叫開江、封溪水，係一條江，亦係西江支流。有說係同漓江成姊妹。

水文

賀江一支，出自連山西便。西有上吉水，向西南流，到木羌墟，有八排瑤水東南注入。上吉水屈西北，過鐘山，入廣西賀縣。

而另一支，臨水自富川經過縣西北，東南流，右受馬窩山水，左受里松墟水，經過縣治北，同上吉水一支會合。再向東南，右受大桂山水，賀江合桂嶺諸山水西南流來會，東南入信都。

過咗信都，去到白沙墟，由廣西去返廣東，即係開建縣境。因為咁，賀江又叫開江，東南到咗潭霜山，潭霜水合金裝水南流入來。又向南，同蓮塘水合，過開建縣治，即今南豐西南，左納金縷水、黎水，右納大玉水、小玉水，屈東南入封川，所以賀江又叫封溪水。

入封川之後，左合寧洞水、文德水，右合東安江。向東南，右納蟠龍水，左世陽水，過圓珠山，屈西南入德慶。