廣州市人民政府
廣州市人民政府（簡稱廣州市政府、穗府）係廣東廣州市嘅政府。駐地喺越秀區府前路1號廣州市政府合署。
沿革
[編輯]1949年10月14號，中國人民解放軍第四野戰軍進駐廣州後，接管原中華民國廣州市政府，到10月21日成立咗中國人民解放軍廣州市軍事管制委員會。10月28號先至成立廣州市人民政府，直屬中華人民共和國中央人民政府領導。1950年2月改中南大行政區直轄市。1953年3月再改做中央直轄市。1954年6月改做廣東省轄市。1955年2月改稱廣州市人民委員會，改由廣東省人民政府領導。
1966年5月文化大革命爆發，1968年2月成立廣州市革命委員會（後稱廣東省廣州市革命委員會，簡稱市革委會），由其行使原中共廣州市委、市人大、市人委嘅職權。1981年9月29號，恢復廣州市人民政府名稱。
架構
[編輯]除首任市長、副市長由中共中央人民政府直接任命，其餘各任均程式上係由人民代表大會選舉產生。歷任市長（或相應職務）多數係廣東人，共和國建國後歷任廣州市長分別係：葉劍英、何偉、朱光、曾生、黃榮海、焦林義、楊尚昆、梁靈光、葉選平、朱森林、楊資元、黎子流、林樹森、張廣寧、萬慶良、陳建華，到而家嘅市長係溫國輝。部門設置包攬黨務、議會、司法等交錯，地方首長、司局長人事任免、調整等實質由黨委書記負責，由之領銜嘅市人大常委會出具任免狀。
政府人員嘅職級與薪級睇返中華人民共和國公務員。
政府常務會議
[編輯]廣州市人民政府常務會議由市長、副市長、秘書長組成，市長或受市長委託嘅常務副市長召集同主持會議，處理政府決策重大事務。按當局規定，市政府副秘書長，市人民政府工作部門、直屬機構、下轄區縣政府高級官員可依需列席[1]。
下轄市局機關同組織
[編輯]廣州市人民政府管理著各工作部門，接受中央同省當局嘅指令，處理管治地方各主要事務，同時政府機關同各局下屬仲有一定數量嘅事業單位，負責各種內外公共服務等事務上嘅專業職能，事業單位按當局規定劃分唔同級來管理，分咗財政全額撥款、財政差額撥款或自籌資金三類。
另外仲有市屬國有企業，包含咗地方工業、商務金融、貿易、資源開發、服務業等領域嘅公家公司，同地方原由私人開拓嘅各公私合營嘅商號。呢啲就受市政府所屬嘅國有資產監管委員會管轄。
下轄具體政府部門
[編輯]內務主理部門
[編輯]- 廣州市人民政府辦公廳
司局部門
[編輯]- 廣州市發展和改革委員會
- 廣州市工業和信息化委員會
- 廣州市教育局
- 廣州市科技創新委員會
- 廣州市民族宗教事務局
- 廣州市公安局
- 廣州市民政局
- 廣州市司法局
- 廣州市財政局
- 廣州市人力資源和社會保障局
- 廣州市國土資源和規劃委員會
- 廣州市環境保護局
- 廣州市住房和城鄉建設委員會
- 廣州市交通委員會
- 廣州市水務局
- 廣州市農業局
- 廣州市林業和園林局
- 廣州市商務委員會
- 廣州市文化廣電新聞出版局
- 廣州市衛生和計劃生育委員會
- 廣州市審計局
- 廣州市人民政府外事辦公室
- 廣州市人民政府國有資產監督管理委員會
- 廣州市城市管理委員會
- 廣州市工商行政管理局
- 廣州市質量技術監督局
- 廣州市體育局
- 廣州市安全生產監督管理局
- 廣州市食品藥品監督管理局
- 廣州市統計局
- 廣州市知識產權局
- 廣州市旅遊局
- 廣州市來穗人員服務管理局
- 廣州市人民政府僑務辦公室
- 廣州市人民政府法制辦公室
- 廣州市金融工作局
- 廣州市城市更新局
直屬機構
[編輯]各區政府
[編輯]睇埋
[編輯]參考
[編輯]- ↑ 廣州市政府。〈廣州市政府常務會議工作規則〉。原著喺2019年10月27號歸檔。
出面網頁
[編輯]- 廣州市人民政府嘅官方網站
- 〈穗府办[2008]49号 广州市人民政府机构及简称〉。《廣州市人民政府》。2008-09-23。
