張活海
| 張活海 | |
|---|---|
| 出世 | 1910年 中國廣東梅縣虹橋頭張屋 |
| 死 | 1989年（78–79歲）.svg){kind=small} 英屬香港 |
| 職業 | 裁縫 |
| 活躍時期 | 1930年代 - 1970年代 |
| 出名原因 | 整西裝、同荷里活明星合作 |
| 配偶 | 潘玉瑤 |
| 仔女 | 張綠萍（大女） 張國榮（細仔） 劉麥嘉軒（外孫） |
張活海（1910年—1989年），係香港裁縫，六十年代嘅西裝大王，曾經響中環德己立街開西裝鋪。亦係香港張氏宗親會首長、冬聲冬泳團團長[1]。
生平
[編輯]張活海響廣東梅縣虹橋頭張屋出世[2]，客家人，少年時期曾經到廣州好幾間裁縫店做徒弟仔。
20歲嗰陣落香港，無耐到中環德己立街開咗一間屬於自己嘅西裝鋪，鋪頭名叫「張活海」。由於鋪頭係賣當時美國荷里活最新款嘅西裝，深受影視界人物歡迎。後嚟生意越做越大，成為香港三十至六十年代出名嘅西裝裁縫。張活海後嚟仲同唔少荷里活明星合作[3]，被稱為Tailor King[4]。
響七十年代開始，由於工廠製作、又便又快嘅衣服出現，開始衝擊住好似「張活海」呢啲老牌人手製西裝鋪頭，所以生意越做越細[3]。
私生活
[編輯]張活海有兩房太太[5]，其中一房係潘玉瑤，惠陽人，生咗十個仔女，三個早夭，只有七個仔女存活落嚟。大女係香港消費者委員會首任總幹事張綠萍，細仔係香港樂壇知名歌手張國榮。
張活海另外響出面有兩個小妾。同時佢亦長期響酒店同唔同社交名媛約會[3]。
當時張活海響中環嘅鋪頭有兩層，上層係工廠，下層係自住嘅[4]。