拔萃女書院

拔萃女書院（Diocesan Girls' School）係香港一間女子中學，亦係香港最老嘅學校之一，坊間通常叫佢做DGS、DG或者女拔，歷來培養咗唔少人才。

2009年4月校園開始重建，學校暫時搬去九龍深水埗青山道101號（即係德貞女子中學前校舍）。校園喺2011年重建完之後，學校喺2011年9月1號搬返入去。

女拔注重全人發展，唔想學生死讀書。於是學生學業成績好之餘，音樂、體育方面都好出色。

學業方面，最威水就係好多年香港中學會考都出過「十優狀元」（即係報考十科都攞A），1999年重一次過有6個咁多。新制下香港中學文憑考試自2015年起每年都有至少一名「狀元」誕生，而2019年、2020年更連續兩年有「超級狀元」（即考獲4必修科+3選修科，同時喺數學延伸部分都考獲5**成績）誕生。

音樂方面，合唱團、管絃樂團等多次喺校際音樂節得獎，2003年更包辦合唱團所有大獎。至於體育方面，女拔以游水最勁，已經連續贏咗D1學界游水冠軍35年。D1學界田徑都連贏咗16年（截止至2024年）。

舊生

呢篇學校文係楔位文。歡迎幫維基百科擴寫佢。