排球

一場典型嘅排球比賽

排球運動，起源自美國，由美國麻省霍利奧克基督教青年會幹事威廉．摩根喺1895年2月9號發明。

最初，人係企喺網球場球網嘅兩側，將籃球膽托嚟托去，參賽人數同擊球次數都無限。比賽裏面網高1.98米，呢個就係排球嘅雛形。

1896年，喺美國春田體育專科學校舉行咗第一場公開比賽。初期，排球被叫做Mintonette（即係小網子咁解）。1896年，霍爾斯泰德教授根據比賽特點，建議改叫做Volleyball（即空中擊球咁解），變成咗今年國際通用嘅英文名，中文名就叫排球。當時用嘅正式比賽用波圓周25-27英寸（約63.5-68.8厘米），重量係9-12安士（大約255-346克）。而家國際比賽用嘅波，無論材料同製作方法都有好大改變，但波嘅規格重係同以前差唔多。

由1964東京奧運開始，六人制室內排球開始加入奧運項目大家庭，一直到而家。