李旦
李旦（662年6月22號—716年7月13號），係大唐第五任同第七任皇帝，684年到690年同埋710年到712年在位，跟廟號叫唐睿宗。
一生
[編輯]李旦曾用名李旭輪、李輪，佢嘅皇帝生涯同哥哥李顯一樣，都係波折重重，公元684年，李顯被廢為廬陵王，李旦就被武則天立為皇帝，年號叫做文明。只不過，由於係武則天執政，「政事決於太后」，睿宗一啲實際權力都冇，而佢甚至連干預國家大政嘅權力都喪失，淪為傀儡。載初元年（690年），武則天廢咗睿宗，自稱皇帝位，建立武周王朝，睿宗被降呢為「皇嗣」（其實等於皇太子），改名武輪，遷居東宮。
698年，武則天又改立廬陵王李顯為皇嗣。武輪則降呢親王，封號相王，改名武旦，而佢嘅的五個仔（李成器、李成義、李隆基、李隆範、李隆業）亦都被封為郡王，佢從此得以擁有自由干預國家大政嘅權力。
705年，宰相張柬之等五人發動神龍革命，殺咗張易之、張昌宗兄弟，逼使武則天退位，迎接中宗復辟，而睿宗個名亦由武旦改為李旦，而中宗封睿宗做「安國相王」，冇幾耐就放棄咗封號。
710年，中宗駕崩，據講係畀韋皇后毒殺，李重茂登位，改元唐隆。與此同時，睿宗第三仔李隆基同埋太平公主等聯絡禁軍將領，擁兵入宮，將韋后做瓜，迫使少帝李重茂退位，歷史上叫做唐隆之變。六月二十四日，睿宗喺承天門樓宣布復辟，大赦天下，同佢個仔李隆基一齊剷除咗韋皇后一黨嘅勢力。
雖然唐睿宗喺復辟稱帝之後，可以擁有自由干預國家大政嘅權力，但由於佢冇辦法面對太平公主同埋李隆基嘅姑侄矛盾，於是喺712年禪讓帝位畀李隆基，是為唐玄宗，但仍然實掌大權，自稱「太上皇」，每五日喺太極殿接受群臣嘅朝賀，仍自稱「朕」，三品已上除授及大刑獄仍然自決，命令叫做誥、令，而玄宗每日受朝喺武德殿，自稱「予」，決定三品已下除授及徒罪，命令叫做制、敕。713年，玄宗發動先天之變，消滅太平公主一黨，睿宗先至被迫徹底放權。
開元四年六月二十日（716年7月13號），唐睿宗去世，享年55歲。