李隆基

出自維基百科,自由嘅百科全書
 呢篇文講嘅唔係李龍基
唐玄宗像

唐玄宗李隆基685年762年)係大唐第九個皇帝(712年—756年在位),由於康熙時期怕同康熙(玄燁)撞名,所以又叫做唐明皇

李隆基喺廿八歲繼位,在位期間係處於大唐盛衰之間。713年,李隆基發動先天之變,打殘咗太平公主,結束咗唐初女性專權嘅局面,而佢在位頭三十年年號係「開元」,期間重用良臣(包括姚崇、宋璟、張九齡)重整戶口,使大唐皇朝繼續保持生氣,綜合國力箭咀向上,史稱「開元之治」(又叫做「開元盛世」)。但在位耐咗,自745年開始,佢寵愛咗楊貴妃,唔理朝政。

李隆基喺公元742年,改年號做「天寶」,用咗一啲俾後世鬧為奸臣嘅人,好似李林甫楊國忠安祿山。而其中安祿山更加發動「安史之亂」。玄宗被迫帶楊貴妃離京,最後楊貴妃死咗,李隆基傷心過度,唯有讓位畀自己個仔李亨,即係唐肅宗

762年李隆基走咗,享年78歲。

雖然有好多演員做過李隆基,但次次都唔到李龍基演佢。

藝術成就[編輯]

傳說佢鐘意戲曲,因為佢成日上臺扮演丑角,所以响梨園入面,通常以丑角做阿頭,而佢亦被稱為梨園鼻祖。此外,佢嘅書法入面擅長隸書行書,出名嘅作品有石台孝經、紀泰山銘、鶺鴒頌等。