林尚沃

林尚沃
字	景若
號	稼圃
出世	1779年 朝鮮平安道義州
死	1855年
國籍	朝鮮
籍貫	全州林氏
職業	商人

林尚沃（粵拼：lam4 soeng6 juk1；韓文：임상옥／林尙沃 ^{Im Sang-ok}；1779年—1855年），係朝鮮中期嘅貿易商人。本貫全州。字景若（ging2 joek6；경약／景若^Gyeong-yak），號稼圃（gaa3 pou2；가포／稼圃^Gapo）。佢出生自平安北道嘅義州。佢攞去做MBC劇集《商道》嘅主人公，從而畀大衆所知。佢當時係朝鮮嘅首富，因爲幫王室平定兩西大亂，而破格提拔做官員，係朝鮮唯一嘅紅頂商人。

生平

佢細時以做譯官爲目標，因爲佢老豆考譯官不斷落榜。於是佢以考譯官爲目標喺老豆教育下學中文。結果林尚沃老豆拋棄咗譯官考試，從當時灣商嘅財仔度借錢，買啲禁輸品去做走私，想噉樣賺錢，結果因爲噉迎來咗悲慘。最後林尚沃一家全部變做官奴。之後佢入咗灣商去做僆仔，灣商都房認證咗林尚沃嘅能力。灣商都房畀佢從走私開始，令佢開始從事商業。1810年純祖時，佢獨佔咗國界地方嘅人蔘貿易權。1812年純祖時，因爲洪景來之亂，義州陷入危險，佢提供咗召集義兵嘅募集金、買軍需物資嘅錢。1821年，佢作爲辯誣使嘅隨行員去清國，佢用巧妙嘅方法打破咗北京商人嘅抵制同盟，用原價嘅數十倍賣曬啲嘢，賺到莫大嘅財貨。因爲佢做咗饑民救濟等慈善事業，受薦舉，喺1832年做咗郭山郡守，1834年因爲救濟義州災民嘅功勞，遞年拔擢爲龜城府使，但因爲備邊司嘅反對而退咗。以後佢嘅餘生就一邊救濟貧民，一邊同詩、酒相伴度過。佢嘅詩幾有名氣。

語錄

「財上平如水，人中直似衡。」意思係對待財物要平等到似水噉，待人要似把秤噉咁君真。

做生意要賺利益，亦都要賺得人心，能夠賺到人心嘅生意係能得到最高嘅利潤，同樣贏得信用就係一場生意賺得嘅最大資產。

軼事

• 清國商人爲咗壓低人蔘嘅價，於是組成團體成爲同業聯盟，聽咗呢個消息後，佢同手持人蔘嘅人見面，喺街市放火燒蔘，組成聯盟嘅清國商人見到噉，認識到人蔘、紅蔘嘅貨物會越來越少，結果佢哋都按林尚沃叫嘅價購買曬啲蔘。
• 林尚沃帶住灣商嘅商團時，喺走私途中遇到禹君則，佢就係日後洪景來之亂嘅頭目之一，當時作爲巨商，禹君則想同佢交涉，爲嘅係確保洪景來嘅資金源，喺禹君則嘅推薦下，洪景來入咗林尚沃底下，去做記錄倉庫存量嘅書記，後來識穿咗洪景來嘅意圖後，林尚沃送走咗佢。
• 有傳聞話，林尚沃同禹君則有貿易，同禹君則嘅關係好緊密，洪景來曾經坐佢面前傾謀反嘅事，傾唔成想殺佢時，禹君則嘅仔入來求佢手下留情。但呢種講法未明確。
• 佢爲咗得到人蔘貿易獨佔權，果敢噉畀張白紙票據（對方可以寫上想要嘅金額，畀咗白紙票據嘅人要無條件支付上面嘅財產數額）畀當時嘅吏曹判書朴宗慶，當時由佢評估獨佔權畀邊個，咁大膽嘅事引起朴宗慶嘅留意，於是搵咗林尚沃來傾偈，之後朴宗慶覺得林尚沃可靠，於是就畀咗佢獨佔權，呢件事傳爲佳話。
• 林尚沃同其他商人唔同，佢使錢係以人爲本，代表性嘅軼事就係佢帶住灣商去清國時，賺咗錢、返去之前，佢喺宿泊旅館遇見一個女人，佢畀父母遺棄，要出來賣身，佢就求佢救佢，於是佢將喺清國賺嘅錢（而家價值相當數千萬韓元）畀咗旅館主人，買低個女人，放佢走，之後呢個女人做咗一個富裕商人嘅正室夫人，當林尚沃自身嘅商團又再來北京時，呢個女人嘅老公就全力支援佢，喺呢個女人嘅請求下，免除咗佢哋嘅費用，令佢哋獲得上倍嘅收益。

著書

• 《稼圃集》
• 《寂中日記》

飾演林尚沃嘅演員

• 李大根 - 《巨商林尚沃》1976年，MBC日日連續史劇
• 李在龍 - 《商道》2001年，MBC特別企劃劇集

睇埋

• 卞光祖 - 朝鮮出身嘅大商人，以琉球國（當時同日本唔同嘅獨立國，喺而家沖繩縣地域）爲中心做中繼貿易，壬辰倭亂當時，佢做戰爭物資補給，對李舜臣、權慄將軍嘅勝利作出貢獻。