物理學同化學嘅核素係指某一種元素多種同位素裡面其中嘅一種。核素有確定嘅質子數同中子數。
大部分核素會用對應嘅元素符號表示，並將質子數同質量數分別寫喺元素符號左下角同左上角。
有啲核素有自己個名同埋符號。例如氫有三種核素，佢哋之間互為同位素。中子數為0, 1, 2嘅核素分別叫做氕、氘、氚。後面兩種有自己嘅符號，分別係 D 同 T。符號 H 既可以指氫元素，又可以特指氕。
