同位素

氫嘅同位素。

同位素（粵音：tung4 wai2 sou3；英文：Isotope ）響化學上講同一隻元素原子，原子核入面大家有唔同中子數嘅原子係唔同種類嘅核素，佢哋之間互為同位素。中子數目會影響核子有幾穩定，所以好多同位素都係放射性嘅，佢哋有壽命限制，過得一段時間就會自己分解。大部分情況下，組成兩種分子嘅原子如果互為同位素，爾兩種分子嘅化學性質會好接近，但物理性質就會有明顯差別。

唔同嘅核素喺核子反應入面會有唔同嘅效果。例如 ²³⁵U 可以進行高速核裂變放出能量，被核電廠廣泛使用，但係佢嘅同位素 ²³⁸U 就無噉嘅能力。238嘅核能只可以慢慢噉漏出來。

基本概念

内文：原子論同化學元素

首先，思考原子同化學元素嘅概念。喺廿一世紀初嘅化學上，一粒原子屬於咩元素，取決於其原子核入面有幾多粒質子。同一隻元素嘅原子，必然有相同數目嘅質子，但係原子核嘅中子數目則可以唔同。同位素就係指原子核中質子數目相同，但係中子數目唔同。

例如氫元素嘅三種常見同位素：

• 氕（¹H）：一粒質子，冇中子；
• 氘（²H）：一粒質子，一粒中子；
• 氚（³H）：一粒質子，兩粒中子，屬於放射性同位素。

由於同位素嘅電子結構相同，佢哋喺多數化學反應中嘅表現得幾乎一樣咁滯；不過由於唔同同位素嘅原子質量唔同，喺某啲情況下會出現測量到嘅差異，即係物理性質會唔同。

有乜嘢用

同位素呢樣嘢有相當嘅實用價值。

其中一個常見用途係放射性定年法，例如碳十四定年法，利用放射性同位素嘅半衰期嚟估算考古遺物或者地質樣本係出自幾耐之前嘅。

常見同位素

内文：同位素一覽

• 碳-14

睇埋

• 原子
• 中子
• 核素