出自維基百科,自由嘅百科全書
跳去: 定向搵嘢

(英文Chlorine)係元素一種,符號Cl原子序號17,原子重量35.4532。佢嘅密度係0.003214,溶點172.31,沸點239.11,熱容量有0.479,電負度有3.16。呢隻元素顏色稍青,有毒。喺室溫嗰陣係氣體,所以叫「氯氣」。

氯嘅化學反應好強。電負性亦好高,容易喺其他原子度拉電子去自己度,令化學物質極化。

用途[編輯]

基於佢係一種比較平嘅消毒劑,一般嘅自來水同游泳池都會用佢來做消毒。但由於佢嘅水溶性比較差、毒性比較大、會放出特殊嘅氣味,而且容易產生有致癌風險嘅三鹵甲烷等有機氯化合物,所以,家陣英國唔再用氯氣嚟消毒泳池,改為用二氧化氯(ClO2)、氯胺或臭氧等等嚟代替氯氣作為水嘅消毒劑。

香港嘅食水處理亦都會用氯氣去殺死啲微生物。所以係飲用水喉水前要先煲咗佢,因為氯氣嘅沸點係大概-35度(準確係-34.4度),所以煲咗佢就可以將啲氯氣蒸發左。