理察·史特勞斯
| 理察·史特勞斯 | |
|---|---|
 | |
| 姓名原文 | Richard Strauss |
| 出生日 | 1864年6月11號  |
| 出生地 | 慕尼黑 |
| 本名 | Richard Georg Strauss |
| 死亡日 | 1949年9月8號 （85歲） |
| 死亡地 | Garmisch-Partenkirchen (西德) |
| 國籍 | 德國 |
| 識嘅語言 | 德文 |
| 信奉 | Christian atheism |
| 職業 | 作曲家、指揮家、librettist、音樂人 |
| 風格 | 歌劇、交響曲、古典樂、sardana |
| 名作 | Also sprach Zarathustra、Salome、Der Rosenkavalier、Ariadne auf Naxos、Elektra |
| 配偶 | Pauline de Ahna |
| 阿爸 | Franz Strauss |
| 阿媽 | Josephine Strauss |
[改維基數據] | |
早年
[編輯]理察·史特勞斯出生喺慕尼黑，佢屋企就有藝術氛圍，佢老豆喺慕尼黑戲院度吹圓號嘅。所以佢自細就從佢老豆度學音樂，喺六歲時就開始作曲。
喺佢後生時，史特勞斯一直有機會參與到慕尼黑戲院嘅樂團綵排，佢重同呢度嘅樂團副指揮學到咗樂理、和音。
1882年，佢入咗慕尼黑大學讀哲學專業同藝術史。不過讀咗一年後，史特勞斯退咗學，去咗柏林學音樂，之後成爲咗彪羅嘅樂團助理，之後1885年，因爲彪羅辭職，佢做咗樂團指揮。呢段時期佢嘅作品相當保守，明顯受舒曼、孟德爾遜嘅風格影響，而呢兩位作曲家都係佢老豆成日敎畀佢嘅典範。呢個時期嘅史特勞斯嘅典型作品係《圓號協奏曲1號》（作於1882年─1883年），直到今日，呢支作品都時不時攞來上演。
1894年，理察·史特勞斯同女高音亞娜結婚，日後佢老婆成爲佢作曲靈感。喺佢接落嘅成世人當中，佢嘅大部份作品都係爲女高音而作，而佢幾乎所有嘅歌劇作品都係圍住女高音凼凼轉。
交響詩
[編輯]史特勞斯嘅風格係自佢遇着亞歷山大·歇他之後先開始變，呢個人同樣都係作曲家，同時亦係當時有名嘅小提琴家。就係歇他佢勸史特勞斯離棄保守風格，令史特勞斯開始寫交響詩。同時佢亦推薦史特勞斯去睇華格納嘅樂論、同埋叔本華嘅著作。後來史特勞斯指揮過歇他嘅一部歌劇，而歇他亦爲史特勞斯嘅交響詩《死與變容》寫過首詩。
喺歇他嘅影響之下，史特勞斯嘅作品出現新風。1889年佢嘅交響詩《唐璜》首演，啲反響半讚半彈。之後史特勞斯又寫咗一系列嘅交響詩，包括《意大利之旅》（1886年）、《死與變容》（1888年──1889年）、《Till Eulenspiegels lustige Streiche》（1895年）、《查拉圖斯特拉如是說》（1896年）。
歌劇
[編輯]到19世紀末，史特勞斯開始注意到歌劇。佢嘅頭兩部作品，《Guntram》（1894年）同《Feuersnot》（1901年），畀批評界視爲失敗。不過，到1905年時佢發表《莎樂美》（出自奧斯卡·王爾德嘅劇本），輿論嘅反應亦如《唐璜》噉非議不斷。當呢部作品呈演喺紐約大都會歌劇院時，只演咗第一晚，淨低嘅都取消曬。
史特勞斯之後嘅歌劇作品係《伊歷他》（Elektra），呢個係佢同詩人胡戈·馮·賀夫曼斯泰合作嘅第一部作品。兩個人喺之後無數作品合作多次。之後啲作品如《玫瑰騎士》（1910年）亦攞到喺輿論嘅大成功。史特勞斯繼續創作歌劇直到1940年。啲作品包括有《納梭斯島嘅亞里戛拿》（1912年）、《冇影嘅女人》（1918年）、《埃及嘅海倫娜》（1927年）、《亞夏比拉》（1932年），呢啲都係同賀夫曼斯泰合作嘅；《間奏曲》（1923年），呢部作品由史特勞斯自己寫劇本；《安靜嘅女人》（1934年）由茨威格寫劇本；《和平日》（1936年）、《達芙妮》（1937年），由約瑟夫·格里戈同茨威格寫劇本；《達娜嘅愛》（1940年）由格里戈寫劇本；《隨想曲》（1941年）由吉里文斯·吉孝斯寫劇本。
