跳去內容

當勞侵揞口費案

出自維基百科，自由嘅百科全書
紐約州人民告川普案
法院紐約州最高法院（英文：New York State Supreme Court）
案件全名The People of the State of New York v. Donald J. Trump
提交案件2023年3月30號
開始2024年4月15號 (2024-04-15)
決定2024年5月30號
結果全部罪名成立[1]
控告一級偽造商業紀錄（英文：Falsifying business records） (34條)
傳票IND-71543-23[2]
法院成員
法官Juan Merchan

當勞侵揞口費案 (英文：Donald Trump hush money trial)，正式叫做紐約州人民告川普案 (英文：People of the State of New York v. Trump)，係一單喺2024年紐約州嘅刑事案件，指控當勞侵喺佢嘅生意財務單度造假。喺5月30號，法院陪審團判咗被告有罪，判刑就仍然未知。

歷史

[編輯]

背景

[編輯]

喺2018年，《華爾街日報》爆咗料，聲稱當時嘅現任美國總統當勞侵，曾經喺幾年前同過三級片女明星 Stormy Daniels（英文：Stormy Daniels） 有過關係。不過喺事發時侯，為咗避免喺2016年美國總統選舉期間成為醜聞，所以當勞侵嘅律師 Michael Cohen（英文：Michael Cohen） 就喺阿侵嘅商業記錄度造假，嚟畀$13萬美金去 Daniels 女士作為揞口費[3]。

冇耐之後，紐約州曼哈頓嘅地方檢控官 Cyrus Vance Jr.，開始對呢件事做調查[4]。

喺2023年3月，新檢控官 Alvin Bragg 表明好有可能會對當勞侵提出上訴[5]。因為佢指控當勞侵喺犯呢條法嘅同時，係有意圖去犯其他法例（就係走稅、違反競選財務規定、同埋非法影響選舉），所以係一級偽造商業紀錄，屬於重罪[a]。到2023年3月30號，控告通過咗大陪審團[7]。檢控官喺同一日正式提交起訴，指控當勞侵涉嚴犯咗34項偽造商業紀錄罪[8]。

過程

[編輯]

到2023年4月3號，當勞侵由佢喺佛州嘅屋企飛咗去紐約[9]，到之後嗰日喺法院現身，由法官真係聼哂啲指控。聼完之後，佢決定宣佈唔認罪，繼續堅持自己冇罪[10]。佢亦都聲稱呢單案件嘅結果，就算係罪名成立，都唔會影響佢喺選舉嘅競選工作[11]。

喺2024年4月15號，足足一年之後，議案嘅審議正式開始[12]。

喺審緊單案件期間，辯方一直要求單案押後或者取消[13]，或者要求換法官[14][15]，不過都冇成功[16]。控方方面認為，當勞侵喺2016年選舉期間，利用偽造商業紀錄嘅非法手段，嚟幫自己嘅競選工作。佢哋最終利用過20位證人嘅口供。辯方方面就反駁認為，嚿錢係由當勞侵嘅律師 Michael Cohen（英文：Michael Cohen） 負責畀，阿侵自己根本就不知情。同時，由於位律師 Cohen 自己係控方嘅證人之一，辯方認為係一份唔可靠嘅口供。辯方最終用咗2位證人嘅口供。

結果

[編輯]

到5月30號，陪審團經過討論之後得出咗結果，最終判全部34條罪名成立[1][17]。當勞侵成為美國史上，第一位犯上咗重罪嘅現任或者前任總統[18]。不過，當勞侵亦表明佢會為呢份案件上訴[19]。

註

[編輯]
  1. ↑ 喺紐約州，偽造商業紀錄本身，即係二級，屬於輕罪。不過，如果係用嚟打算或者真係犯其他罪，就會係一級偽造商業紀錄，就屬於重罪[6]

參考資料

[編輯]
  1. ↑ 1.0 1.1 The Editorial Board (May 30, 2024). "Donald Trump, Felon". The New York Times. 原先內容歸檔喺May 30, 2024. 喺May 31, 2024搵到.
  2. ↑ Pompilio, Katherine (March 31, 2023). "New York Supreme Court Judge Allows Public Disclosure of Trump Indictment". Lawfare. 原先內容歸檔喺March 31, 2023. 喺March 31, 2023搵到.
  3. ↑ Rothfeld, Michael; Palazzolo, Joe (January 12, 2018). "Trump Lawyer Arranged $130,000 Payment for Adult-Film Star's Silence". 《華爾街日報》. 原先內容歸檔喺January 14, 2018. 喺March 30, 2023搵到.
  4. ↑ Rashbaum, William (August 23, 2018). "Trump Organization Could Face Criminal Charges From Manhattan D.A." The New York Times. 原先內容歸檔喺August 24, 2018. 喺March 30, 2023搵到.
  5. ↑ Rashbaum, William; Protess, Ben; Bromwich, Jonah (March 9, 2023). "Prosecutors Signal Criminal Charges for Trump Are Likely". The New York Times. 原先內容歸檔喺March 29, 2023. 喺March 30, 2023搵到.
  6. ↑ Cathy, Libby (March 31, 2023). "Why Trump indictment might hinge on a 'novel legal theory'". ABC新聞. 原先內容歸檔喺April 1, 2023. 喺March 31, 2023搵到.
  7. ↑ Stein, Perry (March 30, 2023). "Trump is indicted in N.Y. Here's what it means and what happens next". 《華盛頓郵報》. 喺March 30, 2023搵到.
  8. ↑ "Donald J. Trump Indictment" (PDF). Manhattan DA Office.
  9. ↑ Freifeld, Karen; Mckay, Rich (April 3, 2023). "Trump arrives in New York for surrender, opposes TV court coverage". Reuters. 原先內容歸檔喺April 3, 2023. 喺April 3, 2023搵到.
  10. ↑ Rashbaum, William (April 4, 2023). "The former president was charged with 34 felonies and pleaded not guilty before State Supreme Court Justice Juan M. Merchan". The New York Times. 原先內容歸檔喺April 4, 2023. 喺April 4, 2023搵到.
  11. ↑ Watson, Kathryn (April 11, 2023). "Trump says he won't drop out of presidential race if convicted". CBS News (美國英文). 原先內容歸檔喺April 12, 2023. 喺April 12, 2023搵到.
  12. ↑ Arnsdorf, Isaac (April 17, 2024). "Could Trump face jail time? Your questions on the N.Y. case, answered". 《華盛頓郵報》. 喺April 18, 2024搵到.
  13. ↑ "Memorandum of law in support of Donald J. Trump's omnibus motions". 原先內容歸檔喺February 25, 2024. 喺May 5, 2024搵到.
  14. ↑ Rashbaum, William K.; Protess, Ben (May 31, 2023). "Trump Asks Judge in Hush-Money Case to Step Aside". The New York Times (美國英文). ISSN 0362-4331. 原先內容歸檔喺May 31, 2023. 喺May 31, 2023搵到.
  15. ↑ Herb, Jeremy; del Valle, Lauren (2023-06-02). "Trump seeks recusal of judge overseeing New York hush money criminal case". CNN (英文). 原先內容歸檔喺September 25, 2023. 喺2023-06-03搵到.
  16. ↑ Sisak, Michael (2024-02-15). "Judge Denies Trump's Motion To Dismiss Hush Money Case". HuffPost (英文). 原先內容歸檔喺February 15, 2024. 喺2024-02-15搵到.
  17. ↑ Lavender, Paige (2024-05-30). "See The Verdict Sheet". HuffPost (英文). 喺2024-05-31搵到.
  18. ↑ Sisak, Michael R.; Peltz, Jennifer; Tucker, Eric; Michelle L., Price (2024-05-30). "Guilty: Trump becomes first former U.S. president convicted of felony crimes". AP News (英文). 喺2024-05-30搵到.
  19. ↑ "Trump attorney expects an appeal in case of conviction". CNN (英文). 2024-05-30. 喺2024-05-30搵到.
由「https://zh-yue.wikipedia.org/w/index.php?title=當勞侵揞口費案&oldid=2166689」收