盧吉道

盧吉道（英文：Lugard Road）係香港一道，喺香港扯旗山近頂之地，由域多利峽去西高峽。條道半山而築，橫山而行，約離海平面四百米高，對住域多利海口，遠望九龍。呢條係小道，部份可行車，部份窄到行唔到車。盧吉道嘅原意，不過起來觀光海面景色。並唔係交通之用。

盧吉道方便行山，故此港島徑定盧吉道入第一段。佢亦係薄扶林樹木研習徑之一段。

名

盧吉道係一九一三年開始有，而一九一四年決定以上任香港總督盧吉命名。

道

盧吉道東起山頂纜車總站，呢個位有好幾條路起點，有柯士甸山道、夏力道、山頂道、舊山頂道同埋芬梨道。門牌一號，有個山頂纜車辦事處，係間白屋。之後繞山北而行，又遇上山馬路仔上柯士甸山道。過Bishop's Lodge，卽門牌廿六號，就折西折北而行。無耐，又有路仔通去門牌廿七號。過此又轉西北，是爲北盡之處。之後向西向南，向西高山同扯旗山坳地而進，坳地見門牌廿八號先。之後有廿九號，卅號Hirst Mansion，卅二號龍蘆，卅四號Vest Crest同樹華小築。過後東南轉，就到西高山郊遊地點，入夏力道而終。呢個路口附近有克頓道。沿夏力道東行，最尾又會見返盧吉道。

史

盧吉道並唔係一次起成，因爲第一次世界大戰，曾拖遲起幾年。盧吉道本來無名，至早文獻，係一九一三年招投營造。當時諗住開道可以賣到多少地，但實情呢度實只起到幾間屋，主要係觀爲主嘅。

六月開始起一段。呢段有二千八百二十呎長，由域多利峽起到過咗後尾嘅Bishop's Lodge，喺正柯士甸山兵房下面。到年尾，呢斷只係爭鋪面同整欄杆。

餘下第二段，有四千八百五十呎長，伸到西高峽，駁入夏力道。呢段就極難起，又多石，又斜又危險。一九一四年，定例局都撥咗一萬港圓同來起路。而道以上任香港總督盧吉命名，因而叫盧吉道。

一九一四年，歐洲開始第一次世界大戰，由於香港宗主英國係參戰國，香港亦暫時收起無謂開支，盧吉道就半路停工。一九一五年工務署所報，決定咗唔開工。一九一九年一月，仗就打完，又開放工，由於咁鬼難起，工程到一九二一年三月卅一號先完工。

一九八五年，香港立港島徑，定盧吉道入第一段。

覽勝

盧吉道出名亦望到港島北岸、域多利海口同九龍。