扯旗山

出自維基百科,自由嘅百科全書
跳去: 定向搵嘢
山頂三個山,左到右:扯旗山、歌賦山、奇力山
太平山頂睇見山下維多利亞港兩岸嘅海景

扯旗山英文Victoria Peak)係香港,喺香港島西面,係太平山諸峯之中最高,所又叫太平山頂。喺香港,佢又專名山頂(英文:The Peak)。佢係香港旅行名勝,有「遊港第一正選」之稱。按《廣東通志》內《新安沿海圖》,扯旗山原名係硬頭山[1]。佢有亦有唔同嘅名,按香港島北以前有個地方叫紅香爐,所以又叫爐峯。而英人開埠初時,叫佢屬領山(Mount Possession),之後又叫佢做柯士甸山(Mount Austin)。最後英文名通用以維多利亞女王命名,叫做維多利亞山,當時譯域多厘山,或域多利山,英文用到而家。扯旗山高五百五十二米,香港島至高,香港全境中排第十一。

山頂一帶,範圍包括爐峰峽奇力山觀龍角歌賦山種植道,係香港最有錢嘅人,同埋部份外國領使駐香港嘅居所。

山頂北面有盧吉道,可以觀光。

[編輯]

香港雜記》有云,「若域多厘山、則有報船之扯旗一杆。」呢度講英人見船來,就會扯旗報船,準備入港,可見扯旗山之名,由此而來。

[編輯]