觀音山 (大帽山)

  想搵第二個意思嘅話，請睇觀音山。

觀音山全景。有奇峯

觀世音菩薩像

山上吊芙蓉開花

新安縣志有項講觀音山

觀音山，香港一山，喺大埔區同元朗區交界，嘉道理農場入便。個峯喺元朗區一邊，英文記做Kwun Yum Shan。山高海拔五百四十六米。附近地方亦有劃入大帽山郊野公園。佢由大帽山向北分出一支，以佢奇峯突出出名，好似插入天際咁，算幾斜下。林錦公路喺佢北面山坳，而荃錦公路就喺佢西面山谷。

佢叫觀音，就真係同觀音有關，嘉慶新安縣志就講佢山頂觀音廟。現時山有細座觀世音菩薩像，像邊有熱氣洞會噴暖氣，有話龍呼龍吸。而山林隱藏祭壇，好幾個世紀，山下村民會上拜祭。

農場有馬路上山，有路圍住山峯，入口設龍鳳柱。有售票穿梭巴士來往山頂山腳。

春季有山櫻、櫻桃開花，成旅遊勝地，車飛好快賣晒。