九龍四山

九龍四山，或者叫做四山，係指香港九龍東部四座以前用作石礦場嘅山丘同埋附屬鄉村，包括有牛頭角、茜草灣、茶果嶺同鯉魚門。

歷史

香港開埠初期，市區發展得好快，需要大量建築石材。刻苦耐勞嘅客家人，把握機會從中國大陸來香港以人手開採花崗岩，又叫做「打石」，石礦場係「石堂」。

「四山」原本講嘅係四座打石嘅山丘，後來政府建立咗登記制度，將附近聚居嘅零散村落分成為而家嘅四條鄉村。

九龍四山就係其中之一，「四山公所」設喺茶果嶺，畀村民商討採石事項同開辦義學。

沙田私塾老師所整嘅瀝源九約竹枝詞中，就有一句描述四山：「……清遊忽到蘇茅坪，瞥見牛頭角又生。茜草灣前多石匠，仙歌嘹亮一聲聲……」。

四山嘅石材除咗用喺本地之外，重遠銷去到廣州，用來起石室聖心大教堂。當時啲人用木帆船將石材運去廣州，再用人工打鑿、吊裝、粘合。

喺新九龍同原九龍融合之前，九龍四山就係九龍十三鄉其中四個鄉村。之後隨住城市發展，九龍唔少鄉村都被迫遷拆，現時只係淨返牛池灣、茶果嶺同鯉魚門仍然係鄉村。

參考

• 老土正傳 (港台）