筆架山

出自維基百科,自由嘅百科全書
Jump to navigation Jump to search
筆架山

筆架山,又名畢架山煙墩山,英文叫做Beacon Hill,係香港新九龍新界交界之上嘅九龍山脈嘅其中一個,個峰有458米,響香港排十七。座山因為個底有九廣鐵路煙墩山隧道同後期嘅筆架山隧道留名。筆架山南山腰近大窩坪,同埋九龍塘歌和老街以北有同名住宅區。山上面有雷達站

地理[編輯]

筆架山東面係獅子山,西面係尖山(鷹巢山)。筆架山同獅子山之間嘅山脊上面,重有兩個矮峰,近筆架山嗰邊有個鐵路拗Railway Pass),近獅子山嗰邊,就有九龍拗

筆架山向北落山可以去到沙田地龍口徑口,向南走就係大窩坪石硤尾

[編輯]

筆架係用來描述個山形,而煙墩或者英文 Beacon,就係話佢以前係軍事上燒草放發放訊號嘅地方。相傳係用響海防上面。至於煙墩位置,到今日就無人知喇。

交通[編輯]

由龍翔道有龍欣道上煙墩山頂,去到山頂雷達站。成座山脊都響獅子山郊野公園裏面,麥理浩徑第五段亦都幾近山頂。