斧山

  提示：呢篇文講嘅唔係釜山。

斧山（粵拼：fu2 saan1，Hammer Hill）係香港一山，亦係一地，喺九龍西北。佢係牛池灣後面一座山仔，山頂部成長形，有兩峰，一高四百七十七呎，另一高四百七十二呎。由於頂成長形兩突，睇落似斧或鎚。斧山因爲係利器，政府改屋宇名時，避忌叫富山。斧山有時會畀人視爲牛池灣一部份。

地理

斧山出頂處起咗牛池灣配水庫，供水到附近一帶。

西南一則，向住九龍灣平原。東北一則，高山飛鵞山。

屋宇

環繞斧山都係屋宇。山呈西北到東南向。

西南一則，向住九龍灣平原，南起聖約瑟安老院，過啲係牛池灣村，過啲威豪花園、過啲斧山道運動場。向北上山有新麗花園、嘉峰臺。向北谷地有富山邨、瓊山苑、瓊麗苑、瓊軒苑、海港花園。

東北一則，喺山高之處，向東北係高山飛鵞山。呢帶由北起，有峻弦、曉暉花園。山東南角係彩雲邨。

交通

斧山西有路叫斧山道，原本係一道，家下畀蒲崗村道食咁截，得頭尾兩截。

斧山東北有扎山道。