直升機場
直升機場，着陸地一種，畀直升機升降。直升機唔似飛機要跑道，有細塊地方就可以起飛降落。有時甚至可以臨時搭個臺，就可以升降[1]。
有唔少其他名，直升機坪、直升機升降坪、直升機降落場、直升機停機坪等。
場可以起開唔同地方，只要有啲開揚，唔易撞到就可以。開塊平地，山上得，海邊得，共用場地得，大廈天臺得，船上都得。豪華大廈大宅酒店常見，當的士咁搭，亦有用來火災逃生用。好似海上鑽油臺，就會起來直升機交通。有唔係直接實地，而升高搭個平臺，就叫直升機甲板。
直升機場方便速速運傷者。緊急地方，好似醫院咁都可能有。運送差人，差館可能有。軍兵卒，兵房有亦可能有。而當今水軍船艦必備。
一般場上畫咗圈工字咁，實情圈中間取自英文字H，代表直升機。有時天臺嗰啲，就寫埋限幾重，限轉到幾大[2]。有啲地方航空管理管埋直升機場，有編號。
直升機大多數細架，然而軍事會用啲好大架，垂直升降飛機，就有更大直升機場，叫垂直機場，慳返跑道位。