石青

石青，亦叫藍銅礦，礦一種，寶石一種，色料一種。石青屬碳酸銅礦物一類，化學式Cu₃(CO₃)₂(OH)₂。色青，可產銅，研碎亦可以做色料。水墨畫叫丹青，青就指石青。礦多喺銅礦風化帶，石青多數同石綠相伴，按石綠亦名孔雀石。

石青為單斜晶體，質軟，硬度得三度半到四度。晶體清嘅可以觀賞，可為寶石。之不過風化易碎，表面遇氣，日久化成石綠，唔易保存。

天然並無碳酸銅，細嚿石青，於入硫酸銅溶液之中，無耐就變成碳酸銅溶液，風乾一晚就有碳酸銅。

石青一燒會轉黑，皆因碳酸分解成水同碳氣，變成氧化銅。

名

石青之色非常顯眼，各地之稱，石名名如其色，好似希臘話叫 κυανός（kuanos），拉丁話叫caeruleum，英文叫azurite，原為波斯話لاژورد（lazhward），經阿剌伯話傳入。

石青並非至佳色料，皆因佢遇氣日久化成石綠。古畫因而由青化成綠。不過石青算係普遍，世界各地都有用來做色料。

石青係介子園畫傳，第一隻色。石青無石綠咁硬，畫之前加水研成粉。加水研製嗰陣，分成四層，底叫頭青，之上順序叫二青、三青、四青。

石青色美，可以造飾物，不過質軟，日久風化成石綠，就唔算好料。多數造成珠。若要鑲嵌，一定唔可以加熱。