社山村

社山，香港一地，亦係一村，喺新界林村，行政上歸大埔區。村南後山叫社山，村亦因以為名，又稱社山村。

林錦公路有支路叫社山路，直通社山。行山嘅話，村後有徑上社山之頂，再落返連蓮坳。

社山名勝有社山大樟樹。村有兩間祠堂，一間叫陳氏祠堂，另一間叫三槐堂。社山路口，有社山村休憩處，而村東北有社山村兒童遊樂場。

村後面有社山風水林，香港政府劃做特殊科學價值地點。

文

社山英文寫做She Shan。社山村寫做She Shan Tsuen。