穆斯林兄弟會

穆斯林兄弟會會徽：兩把交錯嘅彎刀保護住中間本古蘭經，上面寫住一句格言－「備戰」

穆斯林兄弟會（Muslim Brotherhood，亞拉伯話：الإخوان المسلمون al-ikhwān al-muslimūn，全名"The Society of the Muslim Brothers"，簡稱為 الإخوان al-ikhwān，兄弟會"the Brotherhood" 或者 "MB"）又叫做「伊赫瓦尼」 （ikhwān）。係一個穆斯林嘅宗教、政治、社會組織，由埃及人哈桑（Hassan al-Banna，1906年-1949年）喺1928年創立。主張以《古籣經》、聖訓、傳統伊斯蘭教法作為行事原則，通過聖戰去建立一個公正、平等、理想嘅伊斯蘭世界。此外，亦反對伊斯蘭教世俗化，反對西方文化。因為成日都暗殺一啲佢哋唔鍾意嘅政治領袖或者元首，所以畀政府取締過好多次。薩達特總統執政時期，佢哋又分成好多唔同嘅支派進行恐怖活動。除咗埃及之外，喺約旦、蘇丹、敘利亞、巴勒斯坦、利比亞都有同名組織。

歷史背景

因為鄂圖曼帝國嘅瓦解而令唔同嘅伊斯蘭國家獨立起嚟。1922年英國宣佈埃及係獨立國家，由於喺埃及有好多穆斯林唔想國家走西方社會嗰種政治發展路線，希望可以跟返伊斯蘭教法，加上喺1929年到1933年期間西方資本主義世界出現經濟危機，英國加緊對埃及控制同經濟掠奪，鼓吹民族主義同傳統伊斯蘭教法嘅哈桑就喺咁嘅背景之下而成立穆斯林兄弟會。

宗教背景

穆斯林兄弟會創辦人哈桑係拉希德里達（Rshīd Rida）嘅學生，拉希德里達係賽來非耶（Salafiyyah）始創人阿杜布（Muhammad Abduh）嘅弟子，換言之穆斯林兄弟會同賽來非耶有好大淵源。

賽來非耶原本係一個學術團體，而且組織鬆散，由於佢哋有一啲改革理論，所以亦有人歸佢哋入現代主義，雖然賽來非耶有改革一面，但同時亦有淨化信仰，恢復原教旨傾向。最初賽來非耶唔主張介入政治，但由於好多亞拉伯伊斯蘭教國家因為反殖民主義同好多原因，民族意義開始越來越強，民族主義運動開始由埃及一路伸展到好多亞拉伯國家，而賽來非耶入面有關原教旨主義嘅內容就因為咁，而喺穆斯林兄弟會入面開始發展。

影響

穆斯林弟兄會可以話係第一個實踐伊斯蘭原教旨主義嘅穆斯林組織同政黨

拎

• 穆巴拉克时代的埃及穆斯林兄弟会