笨豬跳
名
[編輯]笨豬跳個名來自英文Bungee音譯，兼攞埋「笨豬」兩個字嘅意思[1]。
發展史
[編輯]公元500年前後，喺南太平洋溫納圖嘅奔臘部落有位土著女仔為咗避開老公成日虐待佢，就爬上好高嘅可可樹，再用有彈性嘅蔓藤綁住腳掙，重大聲話要佢老公喺樹上跳落嚟。而老公信咗佢上樹之後都跳埋落去，結果蔓藤救咗老婆，而老公直接死咗。之後「將蔓藤綁住腳掙，從高處跳落嚟」嘅運動變成溫納圖嘅習俗[2]。
後嚟呢種習俗傳到英國，當成皇宮貴族嘅表演。1954年，有兩位地理學家到賓特哥斯特島搞科學考察嗰陣發現咗當地居民嘅古怪習俗後，將笨豬跳傳到美國。1970年，地理學家又嚟多次頻迪哥斯特島再試多次佢當地嘅習俗而傳到全球各地。1979年4月1號，英國牛津大學冒險會成員從當地245英尺高嘅克里夫頓橋用條彈性繩索一嘢跳咗落去而拉開現代笨豬跳運動嘅序幕[3]。
雖然笨豬跳最先喺溫納圖出現，但真正發展得最犀利嘅係紐西蘭。1986年，紐西蘭佬阿蘭·莊·哈奇特從奧克蘭嘅上海濱大橋做咗世界第一跳[4]，加上喺1988年同基斯·奧林成立咗地球第一間商業化嘅笨豬跳協會，從而運動全球化。1997年，中國內地同非洲正式開始有笨豬跳嘅極限運動。
原理
[編輯]做緊笨豬跳時，人由於自身受到嘅重力而跌落。玩家跳落去嗰時，蹦極繩會拉長而吸收跌落去嘅能量，扯長咗嘅笨豬跳繩又會出向上嘅彈力而將人扯上去。玩家喺上上落落嘅過程，會遇到好大刺激。最後因能量好快消失嗮，玩家嘅擺動都會停埋[5][6]。
安全措施
[編輯]笨豬跳係一個好危險嘅運動，所以要注意好以下嘅安全措施先至可以跳。
- 有心、腦病史嘅人唔可以參加笨豬跳。
- 深度近視嘅人唔可以玩硬式笨豬跳。因為跳落嗰陣頭向下，加上以9.8m/s²嘅加速度跌落，好易因腦出血而造成甩咗視網膜。
- 玩笨豬跳之前應該做好準備運動，防止扭傷或扯傷。
- 跳之前睇下係咪做好嗮安全措施兼冚唪唥嘅設備都可以安全用得，如果睇到綁住嘅嘢好舊或自己睇落去有乜唔妥噉或條繩磨損得好犀利嘅話，唔好跳。
- 着裝要簡潔兼啱着，唔好着易飛走或易走光嘅衫褲，因為自己走咗光都唔知。
- 跳出後要注意控制身体，唔好俾彈索摻到條頸或胳肋底。
- 若果采用綁腳式跳法，腳同髀一定要冇骨折史。
- 大多數嘅笨豬跳位都有針對唔同體重而整咗好多嘥士嘅繩索。用之前一定要問下教練，如果覺得都唔滿意就冇跳。
- 做笨豬跳之前，一定要確保天氣比較好。因為風力太大會影響你跳落嘅位而發生危險；如果當地落緊雨或最近成日落雨（尤其係行雷或橫風橫雨天氣），繩會因潮濕而造成事故。
- 飲過酒之後唔好玩笨豬跳。因為酒精會造成判斷力損害同唔注意安全措施。
- 笨豬跳位一定要有一條安全繩同備用繩。
參考
[編輯]- ↑ 紫子 (2012)。《人該有冒險精神》。右灰文化。
- ↑ 蹦极运动是如何起源的？[失咗效嘅鏈] 蝌蚪五线谱
- ↑ "World's 'first' bungee jump in Bristol captured on film". BBC. November 10, 2014. 喺November 10, 2014搵到.
- ↑ "Can you Hackett?". Unlimited - Inspiring Business. 23 August 2004. 原著喺2011年7月17號歸檔. 喺20 July 2010搵到.
- ↑ 《普通高中课程标准实验教科书 物理 必修1》第65页 山东科学技术出版社 ISBN 9787533137298
- ↑ tcnoms (2006-09-29)。〈蹦极中的能量〉。《江南汇教育网》。江南汇教育网。喺2014-08-30搵到。
出面網頁
[編輯]
- 户外蹦极注意哪些事项保证安全 養生壹世壹生
- 蹦极安全