呢篇文講簡筆字嘅綜合概念。想搵中國大陸出嘅標準嘅話，請睇簡化字。簡筆字（粵音：gaan2 bat1 zi6），又叫簡體字（廣義）、減筆字，《小學》中嗌省文，日本嗌略字，係自古流傳嘅簡筆異體字，亦係俗字。
喺繁體字界（港澳臺，有時包括日本、韓國），簡筆字重會喺唔正式嘅場合度見到，比如樓面速記、私人書信、日記等等。而喺正式場合一般唔會用，用嘅話都得，如果搞到人哋曲解意思、乃至唔認文件要自己負責返個後果。
而簡筆字係可以有官方標準，比如喺中國大陸、星加坡，簡化字就係標準嘅官方文字，而喺日本則有另行標準嘅新字體。
