紅磡市政大廈體育館

  提示：呢篇文講嘅唔係香港體育館。

主場

紅磡市政大廈體育館，香港室內體育館之一，喺九龍紅磡馬頭圍道十一號紅磡市政大廈三到五樓，英文叫Hung Hom Municipal Services Building Sports Centre。行政上歸九龍城區。設施有籃球場、排球場、羽毛球場、壁球場、乒乓球檯、活動室、舞蹈室、兒童遊戲室。一九九六年四月十五號開張，歸康樂及文化事務署管。

名

香港其他喺市政大廈入面嘅室內體育館，都用「地方名+體育館」嘅方式命名，但係皆因「紅磡體育館」呢個名已經係紅磡站隔籬嘅香港體育館嘅常用稱呼，為咗唔好引起混淆，呢度就叫做「紅磡市政大廈體育館」。

設施

• 多用途主場一個，可以做羽毛球場八個、或籃球場兩個、或排球場兩個。
• 舞蹈室一間，面積一百零九平方米，有牆鏡、扶槓同音響設備
• 兒童遊戲室一間，面積九十平方米
• 活動室一間，面積一百零六平方米，有乒乓球檯兩張
• 壁球室兩間，面積各六十二平方米，可改做乒乓球室，或多用途活動室，有音響設備同地墊
• 乒乓球室一間