良田體育館
良田體育館，香港室內體育館之一，喺屯門田景邨停車場四字樓，英文叫Leung Tin Sports Centre。行政上歸屯門區。設施有籃球場、排球場、羽毛球場、壁球場、乒乓球檯、活動室、健身室。
佢原本為良田邨起，所以有咁嘅名。邨起成之後，就一分為二，即良景邨、田景邨。館由香港房屋委員會承建，喺一九九〇年八月二十號啟用。至初歸區域市政局管，局方屯門區體育館第三間。二〇〇〇年一月一號廢局，改歸康樂文化事務署管。
史
[編輯]一九八五年新界拓展署，寫咗屯門新市鎮發展計劃，計劃喺屯門第一區興建室內體育館，為擬建良田邨一帶居民，提供康樂設施[1]。計劃由香港房屋委員會負責，並於一九八六、八七年度動工[1]。而屋邨起成，分成良景邨、田景邨。
館喺田景邨停車場頂層，斥資二千一百一十萬港圓，一九九〇年八月二十號啟用，交畀區域市政局管，局方屯門區第三間[2]。為咗隔音好啲，用咗預力混凝土興建 [2]。
一九九〇年十二月，啟用四個月後，主場天花批盪冧咗落來，有成三米乘三米，幸而無死無傷[3]。事後即時關閉，區域市政局同區域市政總署，要求房屋署提交事件詳細報告，調查房屋署承建體育館施工質素[3]。一九九一年三月，房屋署喺主場天花，加裝鄲鐵絲網，以防再冧，並同區域市政總署視察其他體育館後，實屬個別事件[4]。
二〇〇〇年一月一號，香港特區政府廢區域市政局後，改歸康樂及文化事務署打理[5]。二〇〇二年公眾衞生及市政條例，英文名Leung Tin Indoor Recreation Centre，改做Leung Tin Sports Centre[6]。
設施
[編輯]多用途主場一個，初時無空氣調節。重疊劃寫，劃做羽毛球場八個，籃球場兩個，排球場兩個[7]。二〇〇三年二月，安裝空氣調節，又更換地板，二〇〇四年五月十六號重新開放[8]。另有活動室一間、健身室、壁球室三間。有輔助設施，好似洗手間、更衣室、救傷室咁[9]。二零二五年十月二號，一號二號壁球室翻新，二〇〇六年二月十六號重開[9]。
攷
[編輯]- 1 2 New Territories Development Department Tuen Mun New Town Development Office (1985). Tuen Mun New Town development programme 1985 Edition (英文). Hong Kong. p. V.05.
- 1 2 〈屯門已建成第三間 良田體育館明啟用 耗逾二千萬隔音更佳〉。《華僑日報》 (香港中文)。香港。1990-08-19。頁 8。喺2025-11-19搵到。
- 1 2 梅偉強 (1990-12-09)。〈良田體育館啟用四月天花批盪塌下 區局區署同震驚 經即關閉展開全面巡查 幸在午膳時間無傷人要求 房署提交報告研究並調查其他各體育館 委托房署建築中體育館有三間兩間明春移交〉。《華僑日報》 (香港中文)。香港。頁 11。喺2025-11-19搵到。
- ↑ 〈屯門良田體育館天花批盪塌下 僅屬個別情况 區署房署巡查數月其他體育館無發生 已在天花加設鐵網防止批盪再度下墮 區署認定不須停止委託房署興建工程〉。《華僑日報》 (香港中文)。香港。1991-03-16。頁 6。喺2025-11-19搵到。
- ↑ 〈第132章 《公眾衞生及市政條例》〉。《電子版香港法例》 (香港中文)。香港。2000-01-01。頁 107, 附表3, 4。喺2025-11-19搵到。
- ↑ 香港特別行政區政府 (2002-02-27)。〈2002 年第 31 號法律公告《2002 年公眾衞生及市政條例(公眾遊樂場地)(修訂附表 4) 令》〉。《2002年第10期憲報第二號法律副刊》 (香港中文)。10 (2): 第31號公告。喺2026-01-07搵到。
- ↑ 〈屯門良田體育館康體活動新去處〉。《華僑日報》 (香港中文)。香港。1990-09-15。頁 21。喺2025-11-19搵到。
- ↑ 政府新聞處 (2003-12-12)。〈良田體育館主場暫停開放〉 (香港中文)。香港。香港特別行政區政府新聞公報。喺2025-11-19搵到。
- 1 2 康樂及文化事務署 (2025-11-19)。〈良田體育館〉。《體育館》 (香港中文)。香港。喺2025-11-19搵到。
出面網頁
[編輯]
| 香港島 |  | |
|---|---|---|
| 九龍東 | ||
| 九龍西 | ||
| 新界東 | ||
| 新界西 | ||
| 離島 | ||
（除咗「※」之外，其餘都係由康樂及文化事務署管理） | ||