行列輸入法

改拎
出自維基百科，自由嘅百科全書
中文輸入法
行列輸入法
發明人 廖明德
發明年份 1992年(行列30)
類別 字形

行列輸入法係一套免費授權、具有開放理念嘅字根式中文輸入法。除咗可以輸入繁體中文同埋簡體中文之外，亦都可以輸入Unicode當中嘅中日韓統一表意文字。內建喺 Windows Vista 嘅最新版當中，預定將支援 Unicode 3.1（即係擴展A區、擴展B區），使可以輸入嘅文字自兩萬幾字提升到七萬字左右。行列輸入法嘅最快記錄係1997年由洪秀權先生喺中文輸入競賽中所創下嘅每分鐘215.5字[1]。

取碼原則[編輯]

行列取碼嘅原則係將漢字歸納出十個基本筆形，各自對應到十個阿拉伯數字嘅外形；每個字根攞首筆、尾筆兩個數字組成，將漢字依照筆順[2]拆成幾個部份，最多攞頭三尾一輸入四個字根即完成咗一個字。例如「暫」就分成「車14」、「斤93」和「日01」。為咗增加輸入速度，常用字按照筆形數字編排簡碼，輸入嘅時候就會顯示喺螢幕，可預視預選不駛死背。

【基　本　筆　形】
數字 1 2 3 4 5 6 7 8 9 0
筆形 一 乚 丨 十 乛 丶 冖 八 丿 口
分類 橫 逆彎 直 正交 順彎 點 蓋 八捺 撇 方框

攞碼三原則[編輯]

(1)攞前面三個字根同埋最後嘅字根：
行列輸入法係依照書寫順序，取字嘅前三個字根同埋最後一個字根，最多剩係攞四個字根，不超過四個字根，則全部攞。

(2)取最完整嘅字根：
喺唔違反筆順嘅情況下，一個字若果有多種取法嘅時候，以按鍵數最少嘅為正確；亦就係要用字根表裡面筆劃最多最完整嘅字根來組字。

(3)九個跨越筆順字根[3]：
中文字有幾個部首，依照書寫順序，有些相關筆劃本來喺最後才寫嘅，而喺取碼嘅時候為咗保持佢嘅完整結構而不加以分割，必須將整個字根先攞走。

鍵盤輸入[編輯]

字根同埋鍵盤嘅對應，並非以聯想或者口訣方式排列，而是採取「首筆定行、尾筆定列」。鍵盤上自左到右有1234567890十個直行，首筆嘅數字即係代表喺字根所在嘅按鍵喺哪一行；橫列就有Q（上）、A（中）Z（下）三列，尾筆數字若果係0到4喺上列、5或無尾筆喺中列、6到9喺下列。如同二維座標一樣，行、列都搵出來，就知道定位字根按鍵嘅位置[4]。

字根碼的表示方法[編輯]

行列輸入法字根碼嘅顯示方法，可以分為「字根表示法」同埋「行列碼表示法」兩種類型：

  • 字根表示法：單純以基本字根同衍生字根嚟表示，亦都可以以對應嘅英文字母嚟表示，用於教學上嘅解說，例如：兒（臼儿）／（ＯＳ）﹑至（一厶土）／（ＡＸＲ）。

  • 行列碼表示法：以行列座標同埋鍵位[5]嚟表示，喺行列輸入法使用者對於字根碼嘅主要表示方法，有三種形式，例如：兒（91 2-）／（9^ 2-）／（9↑2-）﹑至（1- 26 41）／（1- 2v 4^）／（1- 2↓4↑）；其中（9^ 2-）和（9↑2-）讀做 9上 2中，（1- 2v 4^）和（1- 2↓4↑）讀做 1中 2下 4上。

「行列碼表示法」看起來似乎好抽象，其實都係由基本字根﹑對應座標和鍵位變化而來，相當容易了解。

適用系統[編輯]

你可以喺以下嘅作業系統或者中文系統上面搵到行列輸入法。

版本[編輯]

早期嘅行列輸入法要用更上排嘅數字鍵，共40個碼，稱為「行列40」（行列輸入法40鍵版）。因為用咗數字鍵，輸入數字不方便，所以而家的行列版本只係用3列，稱為「行列30」。

參考[編輯]

  1. ↑ 〈行列輸入法的家--誰來挑戰〉. 原著喺2006年1月12號歸檔. 喺2007年9月26號搵到.
  2. ↑ 《常用國字標準字體筆順手冊》
  3. ↑ 〈行列輸入法教室--取碼原則〉. 原著喺2006年7月15號歸檔. 喺2007年9月26號搵到.
  4. ↑ 〈行列輸入法教室--兩個數字一個鍵〉. 原著喺2006年10月4號歸檔. 喺2007年9月26號搵到.
  5. ↑ 〈行列輸入法教室--字根及字根碼〉. 原著喺2006年10月4號歸檔. 喺2007年9月26號搵到.

連出去[編輯]

由「https://zh-yue.wikipedia.org/w/index.php?title=行列輸入法&oldid=1609628」收