變性

  提示：呢篇文講嘅唔係第三性別或三性別。

  想搵生物化學嘅變性嘅話，請睇變性 (生物化學)。

變性（粵拼：bin3 sing3；英文：transsexual）係通過變性手術或其他方法嚟改變人原先有嘅生理性別。一般嚟講，通過變性嘅人都嗌「變性人」。醫學角度講，心理諗住變性啲人，唔理有冇變過性都好，都嗌做「變性者」。多數嚟講，好多從男變性到女會先揀除毛、隆胸同磨平喉核等整容手術；而從女變性到男會先揀縮胸手術。

希望變性嘅原因目前重有爭議，但係最常見嘅解釋係「性別不安」（以前叫做「性別認同障礙」）：喺心理上無辦法認同自己嘅生理性別所引申嘅各項社會標籤，而且相信自己應該屬於其他性別。

歧視

喺廣東部分鄉下地區，唔理有冇喺心理上定通過手術或其它方法手段成功改變性別啲人都好，都統稱做「唔男唔女」。粵話俗語亦有句話做「男頭女屎忽」係形容有性別認同障礙啲人。