貨機
貨機（英文：cargo aircraft）係用嚟運送貨物嘅飛機機種，不過通常會有少量座位畀跟機嘅工作人員坐。就算係客機，除咗比較小型嘅機種之外，通常喺下層亦設有貨艙以運輸貨物同行李。軍用嘅貨機通常稱為「運輸機」，同民航貨機唔同嘅係運輸機可以接載大量人員。
貨機主要來源
[編輯]- 整嗰陣就已經係貨機，例如波音747F等。
- 由客機改裝，有啲客機舊咗，就拆咗啲座位同飛機上面嘅服務設施例如：廚房，裝上滑輪等貨艙所需要嘅設施，就會變成貨機，例如波音747BCF、LCF等。
- 客貨機，通常稱為「combi機」，前半部畀乘客坐，後半部係貨艙，例如波音747-200M等。有部份客機可以快速轉換成為貨機搭載貨物，例如波音727-100QC（意思即係Quick Change）等。