銅壺滴漏
銅壺滴漏（粵拼：tung4 wu2 dik6 lau6）係古代中國保存得最完整同最大嘅古代計時器。大元延祐三年（1316年）由廣州冶鑄工人——冼運行等人整出嚟。原先放喺雙門底上下街（今日嘅北京路）之間嘅拱北樓（而家係北京路同西湖路嘅交界近廣州百貨大廈東南角）嗰邊專門為市民報時用。
佢曾經試過喺1919年搬咗去越秀山鎮海樓入面放[1]，1959年轉到北京嘅中國國家博物館收藏咗，直到2009年喺舊時拱北樓位復刻隻銅壺滴漏景觀出嚟。2017年提取咗拱北樓嘅雙門造型同埋銅壺滴漏、十二生肖等計時元素嚟重新設計重喺2018年2月1號搞完升級改造。
樣
[編輯]呢隻滴漏從上到下嘅順序分別係日壺、月壺、星壺、及受水壺，其中上邊嗰三隻壺裝咗水喉，按先後順序滴入受水壺。喺受水壺中間有把畫住時辰嘅銅尺，從下到上分別係子到亥時。喺銅尺前邊插咗把木刻浮箭，下邊亦有座浮船仔根據水漲船高嘅原理而話明而家係幾點幾多分。
攷
[編輯]- ↑ 〈元代"铜壶滴漏"就藏在广州博物馆〉。《廣州日報》。2018-01-29。原著喺2018-01-29歸檔。喺2018-02-13搵到。
連出去
[編輯]- 銅壺滴漏 中國國家博物館