香港民族陣綫
提示：呢篇文講嘅唔係民間人權陣線。
香港民族陣綫，簡稱港民陣，係一個喺2015年成立嘅港獨組織，主張香港人應該擁有聯合國《公民及政治權利國際公約》所賦予的權利，提出民族自決，從而實現香港獨立。
政黨口號為「脫支解殖，香港獨立！」及「光復香港，時代革命！」象徵顏色係赤色。
政治信念
[編輯]根據聯合國 《公民及政治權利國際盟約 第壹編第一條》，「所有民族都享有自決權，根據呢種權利，自由決定佢哋嘅政治地位，並自由謀求佢哋嘅經濟、社會同文化嘅發展。」
「香港，作為一個華洋雜處丶中西薈萃嘅地方，係英國殖民地時期，已經發展出佢獨特嘅文化同價值觀，加上近年對於中共殖民嘅仇恨同恐懼，客觀同主觀條件結合，本身已經具備成為一個民族嘅主要條件，係應該擁有民族自決嘅權利。然而，喺80年代嘅中英談判，香港人被隔絕於談判桌外，以砧上魚肉嘅身份被直送中共虎口，而香港人自決嘅權利亦因此淪喪。」
「當日香港淪陷之時我哋唔夠大，無力阻止。但今日眼見中共殖民日漸迫近，作為香港民族立身之本嘅語言文化日漸被中共消㓕，我哋決意要盡一切方法，捍衛香港民族之根本，並重奪失去嘅自決權利[2]！」
事件
[編輯]港獨遊行被打壓
[編輯]
2018年12月31號，即係2019年元旦遊行嘅前一日，組織嘅倉庫被爆門，點算後，發現損失雙位數字旗幟[3]。香港民族陣綫發言人梁頌恆形容，喺廿四個鐘入面多個支持港獨嘅組織先後受到跟蹤滋擾，相信係有系統咁針對今日行動。遊行照常舉行，大約有百幾人參與，遊行隊伍下晝三點喺銅鑼灣東角道同民陣元旦遊行一齊起步，但喺下晝四點半抵達灣仔差人總部之後解散，無跟民陣去終點政府總部公民廣場。遊行期間港獨派人士鄭俠多次率領支持者叫口號，包括「脫共解殖」、「民族自決」、「莊敬自強」、「香港獨立」、「西藏獨立」、「打倒殖民政權」、「一國兩制是謊話」、「兩國才有兩制」、「香港唔獨、實變大陸。」等[4]，又提及中共將新疆維吾爾人送入集中營虐待、中共違反中英聯合聲明，形容中共乃「全世界嘅敵人」。當遊行隊伍經過利園山道附近，港獨支持者被「愛護香港力量」嘅支持者辱罵「唔愛國」，質疑民陣「包庇港獨」。港獨支持者高呼「香港獨立」回應[5]。
中國五毛去香港民族陣綫嘅facebook洗版
[編輯]2019年7月22號，夜晚八點幾，香港民族陣綫嘅facebook被洗版，多數留言都重複，內容包括《基本法》第18條、「支持香港警察」、「感謝香港人」、「一個中國是共同願望、一國兩制是明確目標」等，亦有五毛留言貼上「中國」特色嘅「表情包」貼圖。多名留言嘅五毛畀人起底。後來，有網友將查到嘅資料攞去填寫從軍表格，「幫助」帝吧成員參軍，並且「志願」選填「艱苦地區部隊」，甚至將宗教欄位填為「伊斯蘭教」。中國「豆瓣討論區」上有疑似「苦主」嘅五毛表示，自己遭到「港獨人肉」且「被從軍」。該名苦主除咗話好多五毛嘅資料都被起底，更表示對於「被參軍」一事，「感覺真要報警了」[6]。
註
[編輯]- ↑ 〈梁頌恆加盟民族陣綫〉。《蘋果日報（香港）》 (香港中文)。2018-09-25。原著喺2019-06-26歸檔。喺2020-04-02搵到。
- ↑ 〈關於香港民族陣綫〉。facebook。
- ↑ 〈【元旦遊行】港獨組織多名成員稱被監視爆竊 梁頌恆：黑社會所為〉。《明報》 (香港中文)。2019-01-01。喺2020-04-11搵到。
- ↑ 〈香港數千人元旦遊行 獨派人士入公民廣場釀衝突〉。《美國之音》 (香港中文)。2019-01-02。喺2020-04-14搵到。
- ↑ 〈港獨遊行百人參與 梁頌恆：中共打壓愈勁，代表佢哋愈驚〉。《香港獨立媒體》 (香港中文)。2019-01-01。喺2020-04-11搵到。
- ↑ 〈出征香港連登慘敗！帝吧成員個資遭起底「被參軍」〉。《自由時報電子版》 (臺灣中文)。2019-07-24。喺2020-04-11搵到。