馬口鐵

馬口鐵造嘅罐頭

馬口鐵（Tin plate），又叫錫片，係兩面鍍錫嘅鐵皮。馬口鐵防鏽、耐腐蝕、無毒。主要用來造金屬包裝，例如罐頭咁。目前全世界每年生產嘅錫，約莫三分之一以上，都用來造馬口鐵。

馬口鐵係一種可以回收再造嘅物料。

史

早喺14世紀，波希米亞就開始造馬口鐵，主要用來整餐具同水杯。1800年，英國人造出可以長期保存嘢食嘅馬口鐵罐，1847年，美國人發明咗製罐機，從此馬口鐵需求不斷增多。

1850年代，大清入口嘅馬口鐵唔多，但需求穩定，主要美國同英國入口。當時每箱重112磅，有80到120塊，每塊賣六到七美金。