三文治係響麵包中間放肉、芝士、菜等嘢食，然後加啲調味同醬，再夾埋一齊嘅小食。麵包有時會搽少少牛油去烘，等佢好食啲。
響香港，三文治係茶餐廳嘅必備嘢食。香港嘅三文治通常用白麵包整。最常見嘅三文治有：煎雞蛋（蛋治）、火腿（腿治）、鹹牛肉（牛治）等。先響焗爐烘過嘅三文治叫「烘底」；切走麵包皮叫「飛邊」。
