乙醇（Ethanol）係種飲得嘅酒精，一般講酒，都係含乙醇。乙醇無色、室溫之下，佢係液體，好似水咁。不過佢好易蒸發，亦都好易着火，即係易燃。乙醇響一大氣壓力之下，沸點係攝氏78.4度，低過水。
乙醇化學來講係醇類，係種碳氫化合物，主幹係乙基（C₂H₅-），再帶多個羥基（氫氧基，-OH），符號C₂H₅OH，亦都寫做CH₃-CH₂-OH。佢響醇排第二輕，響甲醇之後。乙醇簡化符號係C₂H₆O，同二乙醚一樣，所以兩個係同分異構體（isomer）。
人以前發現，糖發酵會變成酒，就係最早造乙醇嘅方法。響有石油化工之後，先至有工業用途。
近年驚無石油用，唔少國都流行用縠造乙醇做燃料，搞到糧價大升。
