互動新聞台

互動新聞台（頻道冧巴83）係無綫電視喺香港數碼廣播啟播後，其中一條新增設嘅標清頻道，提供新聞、財經及資訊等互動資訊，喺2008年 11月11號上晝6點開始試播，2009年 1月1日正式啟播，現時該頻道同無綫新聞台嘅新聞同節目進行聯播。頻道未正式試播前叫做「互動資訊台」，直到正式試播當日先至改名。佢競爭對手包括：亞洲電視新聞財經頻道、有線電視新聞台同Now新聞台。

早排，無綫電視表示呢條頻道較為「窄播」（Narrowcasting），開設呢條頻道係「為社區服務」。

[編輯] 播放特色

互動新聞台嘅節目基本上同無綫新聞台一樣，但互動新聞台係16:9廣播，亦加埋互動功能「NewsBar」，提供財經同天氣資訊。

若有突發新聞或重要記者會播放，頻道會即時直播有關畫面，如未能作即時直播，則將播放中嘅新聞同節目縮細成4:3比例放喺畫面右面播放，而有關突發新聞或重要記者會則安排喺畫面左下角播放，觀眾亦可透過遙控器同機頂盒嘅聲道選擇系統選擇收聽其中一個畫面嘅聲音同畫面作出同步，做法同亞洲電視嘅新聞財經頻道類似。