天河城

天河城; TEEMALL
	天河城廣場嘅正門（喺天河路嗰度）
商舗嘅詳細信息
喺邊	〒510620; 中國廣東省廣州市; 天河區天河路208號
座標	23°08′05″N 113°19′03″E / 23.13472°N 113.31750°E
開張	1996年8月18號
開發	廣東天貿（集團）股份有限公司
管理	廣東天河城（集團）股份有限公司
土地所有權	廣東天河城（集團）股份有限公司
佔地面積	差唔多16萬平方米 m²
商業建築面積	差唔多11萬平方米 m²
樓層數	10層樓; 地上7層樓、地下3層樓
人流量	120000000人次（2005年開始）
出面網頁	http://www.teemall.com.cn/
	天河城百货

天河城（粵拼：tin1 ho4 sing4；英文：TEEMALL）係廣州市嘅一間大規模嘅現代綜合商務體，係有夾買嘢、食嘢、娛樂、休閒同商務等功能比較齊全。地址喺天河區嘅天河路南邊；體育西路嘅東邊；天宏廣場嘅西邊；及天河南一路嘅北邊嗰度。呢間商場喺廣州入面係出嗮名嘅。因為佢既係中國大陸度最早開業嘅大型購物中心^[1]，又係之前俾人話過係「中國第一商城」，重更加係天河城商圈入面，最緊要嘅一部分，甚至係世界第一人流商場都有（從2005年開始，呢間商場嘅人流量去到120000000人次）。

性質

樓層數：10層
地面×7　地下×3
0樓到7樓係商業經營場地

-2樓到-1樓係停車場
建築面積：差唔多16萬平方米
商業場地建築面積：差唔多11萬平方米

喺商場嘅樓上，重有45層樓嘅寫字樓同埋粵海天河城大廈響度。

史

天河城喺1992年8月18號奠基，1992年11月18號就開始喐手起，一直到1996年2月9號先至起好，重喺嗰年8月18號正式開業。嚟到2004年5月1號嘅五一黃金週，天河城嘅日客流量去到810,000人次^[2]，甚至喺2004年10月1號嘅十一黃金週第一日去到830,000人次都有^[2]不過喺2005年12月就搞第二次裝修，而天夢宮同好多間租户喺重新裝修之後先至重新開檔。天河城嘅商舖出租率，喺1999年之後就幾乎去到100%^[2]。

2011年4月27號上晝10點到，露台嘅冷卻塔就發生火燭，冇人傷亡。而火燭喺朝早10點25分整熄咗^[3]。

入面嘅設施

0樓

有日資連鎖零售集團——吉之島，喺1996年就殺到天河城，佢重係中國大陸第一間分店，入面重有百貨商場同超市、便利店同自助銀行響度。地鐵嘅體育西路站C出入口就喺呢度附近。

1樓

主要係時裝、皮具皮鞋、精品、名表、化妝品、銀行、休閒飲品、美容中心同屈臣氏，同埋大批國際入面比較出名嘅品牌。

2樓

東南塔樓：天河城百貨男裝部
北樓：飲品檔仙蹤林
西南塔樓：有名流美髮中心
中庭：有好多間銀行櫃員機
凈低嗰啲都係時裝同精品嘅商舖。

其中，香港個人護理零售商——萬寧嘅第一間廣州分店，喺2004年10月嗰陣開業。

3樓

主要係天河城百貨，入面賣黃金首飾、皮具鞋類、女裝、鐘錶同化妝品；重整咗眼鏡、精品、藥房同時裝零售、休閒飲品嘅區域。

4樓

主要有數碼園同通訊器材城，入面賣各種電子產品，包括移動電話、電腦同配件、掌上遊戲裝置同音響設備等。

東南塔樓：天河城百貨嘅電器、傢俱用品嘅經營場地同埋超市部門嘅場地。

喺2003年開始，飛揚影城就喺呢度搞咗5個放映廳嘅電影院響度。

5樓

有天河城百貨嘅體育用品舖、親子樂園同休閒館。重有玩具、書店、家居精品、音像製品同美容美甲等零售商舖。

6樓

有遊樂場同美食坊。入面包括咗22個風味同900個座位嘅飲食場地。其中，入面比較出名嘅城市英雄就喺呢度經營，佢係一間連鎖經營嘅動漫遊戲場所。

7樓

有好多間大型餐廳，而天河城百貨嘅名牌折扣檔就喺呢度出現

1樓嘅東北走廊
1樓嘅中庭品牌專賣店
2樓嘅天河城百貨
4樓嘅飛揚影院
6樓嘅美食坊

分店

而家天河城（計埋全資子公司——天河城百貨）一共開咗6間分店，其中5間喺度開緊，1間已經執咗笠。佢嘅主要分店：

天河城百貨（北京路店）
天河城百貨（奧體店）
天河城百貨（萬博中心店）
天河城百貨（白雲新城店）
天河城百貨（萬博店）
~~天河城百貨（虎門店）~~

所謂「天河城效應」

由於佢係中國大陸入邊最早嘅購物中心，加上佢日日都有好多客流響度，所以就搞出咗「天河城效應」嘅嘢。而「天河城效應」唔單止喺成個廣東省，甚至喺全中國大陸都出嗮名。就喺名氣嚟講，佢最大。而家係成個廣州入面，現代嘅商業標誌品牌，有好多市民同旅客買嘢都知呢度有間噉嘅商場響度^[4]。而喺體育西路同天河路附近商圈都發展得好快，所以有好多間購物中心、食肆同娛樂設施出嗮嚟，就喺業界嚟講，出現咗「天河城商圈」嘅嘢^[5]。

附近嘅商場

附近嘅交通

地鐵
1號綫 3號綫：體育西路站

APM：天河南站
BRT：
體育中心站
巴士：
體育中心站、體育西路站

睇埋

出面網頁

註

↑ 〈中国最早购物中心天河城成广东最大收银机〉。第一财经日报。2005-09-09。原著喺2016-03-05歸檔。喺2015-01-07搵到。
↑ ^2.0 ^2.1 ^2.2 〈MALL战略再造天河城〉。《中国经济周刊》。原著喺2008-05-01歸檔。喺2008-10-11搵到。
↑ 〈天河城空调冷却塔爆炸起火同日还有两宗火警〉。羊城晚报。2011-04-28。原著喺2011-04-30歸檔。喺2015-01-07搵到。
↑ 〈广州天河城打造MALL战略神话〉。《中国商报》。原著喺2008-09-07歸檔。喺2008-10-12搵到。
↑ 〈继天河城等商圈后 "第四商圈"短期仍难形成〉。《信息时报》。喺2008-10-12搵到。{{cite web}}: CS1 maint: url-status (link)

[1] 〈中国最早购物中心天河城成广东最大收银机〉。第一财经日报。2005-09-09。原著喺2016-03-05歸檔。喺2015-01-07搵到。

[中国经济周刊-2] 2.0 ^2.1 ^2.2 〈MALL战略再造天河城〉。《中国经济周刊》。原著喺2008-05-01歸檔。喺2008-10-11搵到。

[3] 〈天河城空调冷却塔爆炸起火同日还有两宗火警〉。羊城晚报。2011-04-28。原著喺2011-04-30歸檔。喺2015-01-07搵到。

[4] 〈广州天河城打造MALL战略神话〉。《中国商报》。原著喺2008-09-07歸檔。喺2008-10-12搵到。

[5] 〈继天河城等商圈后 "第四商圈"短期仍难形成〉。《信息时报》。喺2008-10-12搵到。{{cite web}}: CS1 maint: url-status (link)

[1]

[2]

[3]

[4]

[5]