崇明縣
出自維基百科，自由嘅百科全書
崇明縣而家係上海市下屬嘅一個縣，個崇明島響正長江嘅入海口度，加埋長興島同橫沙島，總面積去到1411平方公里。崇明島就係全世界上最大個河口沖積成島，又係中國嘅第三大島。
大概響公元618年（唐朝武德元年），長江口外海度開始突出兩嚿沙洲（嗰陣時長江口又遠過現時好多），收尾到咗明末清初，形成咗一个完整嘅崇明島。最先有人上島定居喺公元696年（唐朝万岁通天元年）。到公元705年（唐朝神龙元年），響個西沙島度設咗鎮，起咗個名叫「崇明」（「崇」即係「高」，「明」取自「清明」，意思係高出水面又平淨寬闊嘅一舊土地）。收尾經歷無數次行政更替，直到1958年12月1日卒之由江苏省并入咗上海市，成为上海個直轄縣。
成個縣人口有70.1萬人（2005年底），加埋外来人口8.3萬人。主要以農工業帶動經濟，2005年個年產值係95.7億元。島上而家正響度發展緊旅遊業，以面向生態休閒業為主。
崇明東灘沼澤自然保護區係經過咗濕地國際確認嘅重要湿地。
[編輯] 行政區域
崇明縣下有13個鎮同3個鄉：
- 鎮有：城桥镇、堡镇、庙镇、中兴镇、新河镇、三星镇、向化镇、绿化镇、建设镇、陈家镇、竖新镇、港西镇、港沿镇
- 鄉有：新村乡、横沙乡、长兴乡
