百度百科
出自維基百科，自由嘅百科全書
 |
呢篇文內容有所偏頗，或者地方色彩太重，拗緊。 請喺編輯之前睇下討論版。 喺拗掂數之前，請勿拎走本告示。 |
百度百科（Baidu Baike）係一個響2006年4月，由中國嘅網絡搜尋器百度推出嘅網上百科全書。響嗰度編輯詞條嘅用戶，都係要先註冊嘅；而每一項嘅編輯內容都會經過審核，先可以出到街。響百度百科度，用戶嘅編輯會有積分，以便用來換其他百度嘅網上服務。
百度百科係中文類網上百科全書入邊，訪問量最大嘅網站，不過雖然話係百科，佢對文字質量嘅要求其實同維基百科好唔同，比如話，有好多內容係編輯者直接由其他網站轉載過來，完全無改到，咁喺文字語氣方面，就會好個人化，或者有啲個人觀點啲嘢，都出現喺度。截至2011年12月24號，佢嘅文章數量達到咗4140288條，不過有好多文章同時有中文同英文開咗兩個版。佢嘅另一個問題係，雖然話要審核過先出得街，其實佢哋淨係審啲係唔係廣告同政治內容，喺品質上冇保證，比如話黑暗音樂呢個版，都唔知佢講咁乜[1]。
