船灣淡水湖

出自維基百科,自由嘅百科全書
跳去: 定向搵嘢
飛機望落船灣淡水湖、赤門同船灣海。淡綠係水塘,藍係海
八仙嶺俯瞰船灣淡水湖(堤壩左方)
船灣淡水湖紀念碑

船灣淡水湖Plover Cove Reservoir)係香港水塘,係全球第一個起喺嘅水塘[1],一九六八年起好之時,佢條主壩係全球大壩前列。船灣淡水湖喺大埔東北,起喺船灣海,而南便係赤門。成個水塘歸入船灣郊野公園,環境受到保護。個水塘係儲食水。香港來計,佢面積最大,有廿四公頃,而容量排第二,排喺萬宜水庫

[編輯]

船灣淡水湖,原本係船灣海東部,喺赤門北面,係畀山同島圍住嘅內海1960年代香港唔夠食水,而啱起興大水塘嘅,又所剩無幾。當時香港水務監督毛瑾,喺船灣海遊船河,就構思起,將島同地連埋,就可以圍成水塘。當時政府喺內海起水塘,成為全球第一個起響海嘅水塘。

徙置[編輯]

由於船灣淡水湖,比海平面高好多,原本喺水塘範圍沿岸嘅六鄉村,即小滘大滘金竹排橫嶺背橫嶺頭涌尾涌背,就浸喺水。所以成千名村民,就搬到大埔墟六鄉新村。而白沙頭三門仔村村民,同埋水上人,想維持原有鄉村社群,揀喺近船灣鹽田仔三門仔新村重新安居立戶。

結構[編輯]

船灣海東部,三面環山,對出有兩島,叫白沙頭東頭洲。首先,起堤圍塘,起條長堤由大尾𡰪連去白沙頭,是爲主壩。而白沙頭同東頭洲,起短堤一條,而東頭洲到伯公嘴,又起多條短堤。圍塘之後,將鹹水魚捉晒,再抽乾鹹水,就可以儲水。船灣淡水湖1960年11月動工,1968年完成,10月5號正式啟用。首階段耗資四億港元

船灣淡水湖主壩長二千一百米,另有副壩兩條,各長二百,家下壩高廿八米。壩用哋全部用沙同大小石分層砌成。水塘面積達一千二百一十五公頃,儲水量則達到一億七千萬立方米1970年,香港政府再耗資一億五千萬港元,同加高啲堤,1973年完成。自此儲水量增至二億三千萬立方米。

鹹度[編輯]

初期有傳食水需求大,水塘嘅鹹水未抽清就注入食水,搞到供水有鹹味。但事實上,初期略帶鹹味,皆因水塘底嘅泥仍有鹽份,抽清晒都一樣會有鹹味。

水源[編輯]

船灣淡水湖會接收東江水,亦都有新娘潭嘅水。

由於香港政府廣東省東江水,而用量亦遠超所需,所以家下船灣淡水湖嘅水,唔會供畀市區。依家水塘水,會免費供畀大埔一帶離島鄉村用。

生態[編輯]

船灣淡水湖,有魚十二種,成廿萬條淡水魚。品種有金山鯽藍刀土鯪魚鯉魚等等,當中四分三係鯿魚。另一方面,船灣淡水湖嘅水,引自珠江上游嘅東江,亦無意間將河殼菜蛤Limnoperna fortunei)引入香港,大量繁殖,阻塞水道,危害引水系統[2]

消閒[編輯]

近水塘嘅大尾𡰪,係有燒烤場供人燒烤遊樂,亦有單車出租,唔少人踩單車去主壩。而大尾𡰪亦有好多渡假同康樂設施。

慶祝[編輯]

為慶祝船灣淡水湖啟用四十周年,「國際水協中國香港地區委員會」喺二零零七年,揀咗船灣淡水湖舉辦「世界水監測日」(World Water Monitoring Day)活動,喺10月14號,請咗卅幾間中學到場,測試水質[3]

[編輯]

  1. 海中水塘始祖40歲壽誕 當年署長奇想 船灣築湖解旱,《明報》,2007年10月13日
  2. Morton BS. 1975. The colonisation of Hong Kong's raw water supply system by Limnoperna fortunei ( Dunker 1857 ) ( Bivalvia: Mytilacae ) from China. Malacological Review 8:91-105.
  3. 船灣淡水湖大壩可用百年

[編輯]

睇埋[編輯]

出面網頁[編輯]