西關係中國廣州地名，喺而家荔灣區。明、清時係指省城西門外面一帶。範圍喺家下人民路以西，西村以南，珠江以東同埋北包住嘅地方。
呢處有好多西關大屋同騎樓呢啲典型廣州建築，亦係傳統嘅廣州商業中心地帶之一。好似上下九、十三行呢啲地方，都有好耐經商嘅歷史。而家重保留好多舊時廣州嘅特色，所以好多人亦都認爲西關係廣州最本土同市井嘅地方之一。
