七十士譯本

《七十士譯本》（英文：Septuagint；希伯來文：תרגום השבעים‎，羅馬拼音：Targum Hashiv’im；羅馬數字簡寫：LXX），天主教譯《七十賢士本》，新約時代通行嘅《希伯來聖經》通用希臘語譯本。佢當時原本係猶太教嘅譯本，由亞歷山大港住嘅猶太人譯畀嗰啲已經唔識講希伯來話、淨識講希臘話嘅自己人用，喺公元前3世紀初開始譯，譯咗大約一個世紀，公元前1世紀之前先譯完，因為起初大約70個人譯，所以叫七十士譯本。佢係全世界第一個聖經譯本，亦係好多譯本嘅原文，但係現代嘅猶太人並唔承認佢係正宗。

佢個名段故係咁嘅：根據塔木德嘅記載，某日，埃及王托勒密二世搵咗72個猶太長老（即係所謂嘅 ｢七十士｣ 或者 ｢七十賢士｣），困wan3咗佢哋喺72間唔同嘅房入面，叫佢哋整本希臘文嘅五經畀佢，結果72個人譯出一模一樣嘅譯文，包括避諱王后個名個 ｢兔｣ 字同其餘12度特登唔直譯嘅地方都完全一樣。

而今嘅七十士譯本並冇爾ni113處冇直譯嘅地方，而且段故講嘅嗰次亦只係譯咗五經，所以而今gaa1嘅七十士譯本，就算淨計五經嘅部分，都唔係最初嘅版本，現代嘅猶太人就因為咁就話佢唔正宗，但係有學者比較咗七十士譯本、死海古卷同現代猶太人視為正宗嘅馬所拉經文，發現有幾度地方係馬所拉經文唔合邏輯，但係死海古卷同七十士譯本唔單止夾，而且都合邏輯，表示喺某啲地方，七十士譯本反而係比較可靠。

新約聖經引用嘅經文唔少都係出自七十士譯本，又因為基督徒用咗七十士譯本，猶太教後來喺2世紀將本聖經成本譯過，取代咗七十士譯本喺猶太教嘅地位。