三垣
三垣（Three enclosures；垣讀媛）係將北面星空分成三部份，將天球北極為中心，將天空睇成三個城，有垣，即係城牆圍住，所以叫三垣。佢哋有南便有黃道同白道嘅廿八宿圍住。恆星都組成嘅星官，歸喺三垣廿八宿之下。
三垣分別係上垣太微垣、中垣紫微垣同下垣天市垣。紫微喺北極，係天嘅宮殿，喺中心位置，佢前便嘅太微，係庭園，另一邊係嘅天市，係個街市。太微同天市，落喺黃道偏南嘅一帶。
三垣之名後起，大宋時都唔叫垣，而叫宮。如步天歌唱，「中元北極紫微宮」，「中元北極紫微宮」，「下元一宮名天市」。步天歌出自大唐，三宮亦成於此時。再早為史記天官書五官之說。 五宮或出自五宮。
結構[編輯]
三垣東同西都有自己嘅左垣同右垣，就好似左右兩埲牆咁。兩垣之間唔係相連，所以有南北兩道城門。
史[編輯]
暫時最早知有三垣呢個概念，係隋丹子元作咗首詩《步天歌》，之後唐學者王希明有《丹元子步天歌》，將全天分成三十一個區 ，即係三垣二十八宿 [1]。
註[編輯]
- ↑ 〈中國星區、星官及星名英譯表〉. 香港太空館. 原著喺2009年1月8號歸檔. 喺2009年1月27號搵到.