勾陳
(由勾陳 (星官)跳轉過嚟)
勾陳（Curved Array[1]）係星官之一，喺紫微垣之下。勾陳恆星有六，最出名係正妃，即勾陳一，皆因今日亦叫北極星，至近北極。所以勾陳係最近天球北極嘅星官。勾陳排到好似勾咁，勾身嘅勾陳一二三四，喺西洋天文嘅小熊座內，而勾頭嘅勾陳五六，喺仙王座內。
勾陳亦寫句、鉤陳。古字勾、句、鈎、鉤，為同一個字。後世別義而分寫。
勾陳個勾身側邊，有另一個星官，叫北極，差唔多同佢平排。
大清時儀象考成有編號。勾陳一係西洋天文來講，正妃，係小態座α星。勾陳二係小態座δ星，勾陳三係小態座ε星，勾陳四係小態座ξ星。勾陳五六係仙王座嘅暗星，勾陳五係HD 5848，勾陳六係HD 217382[2]。
天極星、其一明者、太一常居也。旁三星三公、或曰子屬。後句四星、末大星正妃、餘三星後宮之屬也。
勾陳本來係四星，係帝嘅後宮。正妃之星，亦帝嘅正妃，其他三星就後宮之屬。四星之中，正妃離帝星至遠，又至光，所以叫末大星。
註
[編輯]- ↑ 〈中國星區、星官及星名英譯表〉。香港太空館。原著喺2012年7月12號歸檔。喺2009年1月29號搵到。
- ↑ 〈中国古代恒星名字和西方名称对照表〉。原著喺2012-12-01歸檔。喺2009-01-29搵到。