室 (星官)
室，星官之一，二十八宿之一，室宿之首。又叫室宿或營室，同埋孟陬。室歸北方玄武，恆星有二，儀象考成編為室宿一同室宿二，都係西洋星座飛馬座。而室宿一係飛馬座α星，室宿二係飛馬座β星。
陬訾為室壁二宿合稱，如此同恆星月長短相關。房為孟陬，正是陬訾之始。
營室一說係太廟、天子之宮，所以另一星官離宮，同營室相連。離宮六星，兩兩散離喺營室兩邊。
儀象考成
[編輯]儀象考成，室添七星，為室宿增一、室宿增二、室宿增三、室宿增四、室宿增五、室宿增六同室宿增七，統統都係西洋飛馬座。室宿增一，飛馬座51星；室宿增二，飛馬座56星；室宿增三，飛馬座60星；室宿增四，飛馬座61星；室宿增二，飛馬座63星；室宿增六，飛馬座64星；室宿增二，飛馬座67星。
室壁
[編輯]室宿之東，有壁宿。室稱營室，壁稱東壁，各有二星，平行成四邊形。四星甚光。好鬼顯眼易認，故名
有時室壁合一，另有原因。月運行一周，恆星起，恆星止，為二十七日有三，介乎二十七日到二十八日，今稱恆星月，同朔望月唔同。故此白道，一日一舍，二十七又少咗啲，二十八就多咗啲。舊時有二十八宿同二十七宿兩種。室壁二宿，分時為二十八，合時為二十七，或為配合週期，交替而用。故此，上古有時會見室壁合一。
古時夏正日出，從東邊望過去就見到營室或陬訾，嗰個月，就係一年開始。同時東邊重見到歲星，卽係木星。喺《五星占》本書講咗「歲星以正月與營室晨出東方，其名為攝提格。」[1]