星座

星座就係指天上一啲恆星組合。喺三維宇宙中，呢啲恆星相互之間其實係並無實際關係，只不過佢哋喺天空呢一個平面上嘅位置相近。自古以來人對於排列同埋形狀都係好敏感嘅，所以就好自然咁將一啲位置相近嘅星聯繫起來，先組成星座。

星座喺天文學裏面佔重要嘅地位；占星術亦有利用到星座嘅概念，但好多天文學家都將占星術視為無真正使用科學方法嘅偽科學。

基本上，將恆星組成星座係一個隨意嘅過程，而喺不同嘅文明裏面都有由不同恆星所組成嘅唔同星座──雖然某啲較顯眼嘅星嘅組成喺不同文明裏面都會大致相同，好似獵戶座同埋天蠍座。

國際天文學聯合會用精確嘅邊界去將成個天分為88個正式嘅星座，所以個天嘅每一個方向都係屬於某一個特定星座。呢啲正式嘅星座大多數以中世紀傳落嚟嘅古希臘傳統星座為基礎。

黃道穿越嘅星座有13個（包括蛇夫座在內），其中，以下12個星座通常被統稱為黃道十二星座：

除咗以上12個星座之外，托勒密更列出以下36個（現時係38個，因為南船座已經被拆開為三個獨立星座）：

其中

後來星座嘅數目不斷增加，主要是為咗填補托勒密星座間嘅空缺（因為古希臘人認為明亮嘅星座之間係有暗淡嘅空白地帶），另一個原因就係當歐洲嘅探險家向南進發嗰陣，能夠睇見一啲以前睇不到嘅星空，所以要加入新星座以填滿南面嘅天。嗰38個較新嘅星座係：

有一啲被提名嘅星座最後都無被採納成為正式嘅星座，較著名嘅一個係象限儀座（Quadrans Muralis，現時係牧夫座嘅一部份）──象限儀座流星雨就係以呢個星座命名。重有一啲無咁正式嘅星嘅排列叫做星群，例如北斗。

實際上，處於同一星座嘅恆星之間喺多數情況都係無乜嘢關係嘅，佢哋只係啱啱喺同一視線，而其實佢哋之間可能相距好遠──如果我哋身處銀河裡面另一個太陽系，我哋睇到嘅星空將會完全唔同。

最後共有88個星座：

恆星嘅命名[編輯]

喺西方，多數嘅恆星都係根據佢哋所處星座來定名。例如半人馬座α星（巴耶恆星命名法，Bayer designation）、天鵝座61（弗蘭斯蒂德恆星命名法，Flamsteed designation）、天琴座RR（變星命名）等。但喺中文，好多時候都會用到中國嘅古星名，例如半人馬座α星亦叫做“南門二”（“南門”其實係中國古星官之一）。更多有關恆星命名嘅資料請參閱恆星命名。