三焦係中醫學範疇嚟講六腑嘅其中之一，又可以叫「決瀆之官」，分咗做上焦、中焦、下焦；對應嘅臟係心包。
上焦係喺橫膈膜以上嗰部份，包括心同肺。中醫學相信佢可以令血氣同津液好似霧氣咁散發全身。 中焦係喺橫膈膜下面，肚臍上面嘅位置，包括肝、膽、脾、胃。「中焦如漚」，指嘅係中焦有消化嘅功能。 下焦係喺肚臍下面，包括腎、小腸、大腸同埋膀胱。「下焦如瀆」，指嘅係下焦可以排啲身體入面嘅汚糟嘢出嚟。
