腎

腎
生理
屬於	泌尿系統, 內分泌系統
識別碼
UBERON ID	0002113
TA	A08.1.01.001
[改維基數據]

羊腎

腎（粵拼：san6）呢個唐字嘅意思，喺古今中外有分別。

西醫

腎臓，又叫腰，係動物內臟，係動物器官，主要見於有脊骨動物，但亦有啲無脊骨動物有腎。腎係泌尿系統一部份，主要係濾血製尿，用以排多咗嘅水出體外。腎用尿帶走水份鹽份、廢物同毒素，調節身體，維持平衡，例如調節血壓，鹽份，酸鹹度等。腎將血中廢物如尿素同氨，會流出體外，有用嘅嘢，好似水、葡萄醣、氨基酸等，會留返喺體內。

腎通常一孖咁生，一左一右，呈彎曲狀。血由腎動脈入，由腎靜脈出，從中過濾出尿呢種身體唔要嘅液體，再經輸尿管送去膀胱。

中醫

「腎」係個概念或者成副嘢，而並非實指若干器官。角色為「藏精」、「主水」、「主骨生髓」、「主納氣」。